Kurash
QR kod:
Yuklab olishlar
Tavsiya qilinayotgan oʼquv qoʼllanmasida fizkultura va sport toʼgʼrisidagi fanning hozirgi zamon talablari asosida Oʼzbekistonda yoshlarga taʼlim va tarbiya berishning eng muhim printsiplari va qonuniyatlari ochib berilgan. Oʼzbekcha milliy kurashning vazifasi, oʼrni, ahamiyati, tarixiy rivojlanish yoʼli bayon qilingan. Shugʼullanuvchilarning oʼqituvchi-trener rahbarligida ijodiy mustaqil faoliyati, topshiriqlar sistemasi asosida taʼlim berish va mashq qildirish metodikasi birinchi bor yoritilgan.
Qoʼllanmada yoshlarning jismoniy, texnik, taktik, axloqiy, irodaviy va psixologik tayyorgarligiga doir material berilgan. Unda maktabda, bolalar va oʼsmirlar sport maktabida, koʼngilli sport jamiyatlarida, Uzbekiston jismoniy tarbiya institutida hamda pedagogika oliy oʼquv yurtlarining jismoniy tarbiya fakulь-tetlarida oʼzbekcha milliy kurash bilan shugʼullanuvchilar oʼrtasida mashgʼulotlar oʼtkazish izchilligini aks ettiruvchi 200 dan ortiq rasmlar bor.
Oʼquv qoʼllanma faqat Oʼzbekistondagi oʼqituvchi va trenerlarga emas, balki milliy kurash turlari bilan shugʼullanuvchi Oʼrta Osiyo dagi boshqa respublikalar xodimlari uchun ham foydali boʼladi.
Undan ota-onalar ham uy sharoitida oʼz bolalari sogʼligʼini mustahkamlash va kelgusida ularni sportga, shu jumladan milliy kurashga jalb kilish uchun koʼpgina foydali maslahatlar oladilar.
