Adabiyot ta'limini transformatsiya qilishda xalqaro boholash dasturlarining o'rni
QR kod:
Yuklab olishlar
So‘nggi o‘n yilliklarda ta’lim sifatini baholashda xalqaro baholash dasturlari global mezon sifatida keng ahamiyat kasb etmoqda. PISA (Programme for International Student Assessment), PIRLS (Progress in International Reading Literacy Study), TIMSS (Trends in International Mathematics and Science Study) va EQAR (European Quality Assurance Register) kabi dasturlar turli davlatlardagi o‘quvchilarning funksional savodxonlik, o‘qish, tahlil qilish, fandagi mulohazali yondashuv va ijtimoiy faollik darajalarini aniqlashga
qaratilgan. Bu dasturlar ta’lim natijalarini faqat akademik bilimlar asosida emas, balki real hayotga tatbiq etish qobiliyati orqali baholashni maqsad qiladi. Shu bois, ular nafaqat ta’lim tizimining samaradorligini aniqlash, balki o‘quv mazmuni, pedagogik yondashuv va metodik vositalarni qayta ko‘rib chiqish uchun ilmiy asos yaratadi. Xususan, adabiyot fanini transformatsiya qilishda ham ushbu dasturlar muhim mezon va manba sifatida xizmat qilmoqda.
