Asrni qaritgan kun
QR kod:
Yuklab olishlar
Chingiz Aytmatovning ushbu asarini tom ma'noda o'zlikni anglash va onaning farzandiga bo'lgan muhabbati tarannum etilgan haqiqat desak bo'ladi.
Kitobda onaning farzandiga bo'lgan muhabbati va insonning azizligi, uni tarixiy ildizlaridan, tilidan, g'ururidan mahrum qilish joniga qasd etishdan ham dahshatli jinoyat ekani yovqur Nayman onaning tengsiz fojiasi tasviri asnosida aks ettirilgan.
Asarning yana bir qahramoni Edigey kechagi kunini unutmagan, bobolar amal qilgan yuksak udumlar asosida ya-shashga o'zida kuch topa oladigan chin insondir. Uning ezgu insoniy sifatlari qiyinchiliklarga qaramay marhum Kazangapning vasiyatini bajarishga o'zida kuch topganida, qanchalik g'azablanmasin, o'lik bor joyda janjallashmaslikka qudrati yetganida, Sobitjonning gap-so'zlariga munosabatida yaqqol ko'rinadi. Ezgu insoniy tuyg'ulardan mahrum, odamning ko'nglini his etmaydigan, bobolar qo'llagan udumlarni mensimaydigan, kechagi kunidan uzilgan, ammo o'zini ilg'or fikrli ziyoli hisoblaydigan Sobitjon Manqurtning zamonaviy va xavfli nusxasi ekanligi ham juda ta'sirli ko'rsatilgan.
