• GitHub profilim
• AI bo‘yicha onlayn kurslar
• Darslik va qo‘llanmalar

Ta'limda axborot texnologiyalari magistratura mutaxassisligi

Dastur kodi: 70610105

Beriladigan daraja: magistr

Ta'lim shakllari: kunduzgi

Dastur nomi: Ta'limda axborot texnologiyalari

Dastur davomiyligi: 2 yil

Ta'limda axborot texnologiyalari mutaxassislik ta'lim oluvchi bir semester davomida 30 kreditni, bir o'quv yili bo'yicha 60 kreditni to'plashi zarur. O'qish muddati 2 yil bo'lib, talaba dastur yakunlangangunga qadar 120 kredit to'lashi kerak.

Magistr uchun bir ECTS kreditning soatlardagi miqdori 1 kredit 30 akademik soatni tashkil etadi va talabaning bir yillik o'quv yuklamasi 60 kredit 1800 akademik soatdan iborat bo'ladi. Shundan – 50% auditoriya soati, 50% mustaqil ta'lim soatiga bo'linadi. Semestr davomida talaba tomonidan o'zlashtirilishi lozim bo'lgan kreditlar hajmi fanlar katalogida ko'rsatilgan majburiy va tanlov fanlarini o'z ichiga oladi.

70610105 – Ta'limda axborot texnologiyalari magistratura mutaxassisligi bo‘yicha magistrlar tayyorlovchi barcha oliy ta'lim tashkilotlari uchun talablar majmuini ifodalaydi. Oliy ta'lim muassasasi mazkur magistratura mutaxassisligi bo‘yicha kadrlar tayyorlash vakolatiga ega bo‘lganda asosiy o‘quv reja va fan dasturlarini amalga oshirish huquqiga ega deb hisoblanadi.

Bitiruvchilar, shuningdek, O‘zbekiston Respublikasi Maktabgacha va maktab ta'limi vazirligi hamda Oliy ta'lim, fan va innovatsiyalar vazirligining tarmoq ilmiy-tadqiqot institutlarida yoki mustaqil tadqiqotchi sifatida ilmiy-pedagogik tadqiqot ishlari bilan shug‘ullanish huquqiga ega bo‘ladilar.

Kasbiy faoliyatining sohalari:

Oliy ta'lim, malaka oshirish va qayta tayyorlash, umumiy o‘rta ta'lim, hamda professional ta'lim muassasalarida axborot texnologiyalari sohasidagi fanlami o‘qitish, O‘zbekiston Respublikasi Fanlar akademiyasi va tarmoq ilmiy-tadqiqot institutlari (ITI), Ta'limda axborot texnologiyalari va pedagogika sohalaridagi ilmiy-tadqiqot muassasa (ITM) va tashkilotlarida, markazlarida, ilmiy-ishlab chiqarish birlashmalarida ilmiy-tadqiqot ishlarini olib borish, pedagogik va axborot texnologiyalari sohasida kompleks masalalami yechish bilan bog'liq kasbiy sohalar majmuasini qamrab oladi.

Kasbiy faoliyatlarning turlari:

• ilmiy tadqiqot va pedagogik faoliyati;
• ekspluatatsiya faoliyati;
• tashkiliy-boshqaruv faoliyati;
• eksperimental-tadqiqot faoliyati;
• axborot-tahliliy faoliyati;
• ishlab chiqarish-boshqaruv faoliyati.

Kasbiy kompetensiyalariga qo‘yiladigan talablar

• ilmiy va ilmiy-texnikaviy dunyoqarashga doir bilimlar tizimini egallagan bo‘lishi, umummetodologik fanlar asosini, davlat siyosatining dolzarb masalalarini bilishi; ijtimoiy muammolar va jarayonlarni mustaqil tahlil qilish qobiliyatiga ega bo‘lishi;
• yangi bilimlarni mustaqil o‘zlashtira olishi, takomillashtirishi va o‘z mehnatini ilmiy asosda tashkil qila bilishi;
• o‘zining individual bilimlariga tayangani holda ilmiy-texnikaviy, ijtimoiy va shaxsiy ahamiyatga ega bo‘lgan muammolami tushunishi va ulami tahlil qilishi;
• o‘z faoliyatida me'yoriy huquqiy hujjatlardan foydalana bilishi;
• fikrlash madaniyati, muayyan tafakkur uslubiga, og‘zaki va yozma nutqini aniq bayon qilish qobiliyatiga ega bo‘lishi;
• o‘zlashtirilgan bilimlarni ijodiy tanqidiy ko‘rib chiqish va tahlil qilishi, ulardan ilmiy va ilmiy-texnikaviy ijodiy faoliyatida foydalana olishi, asosli mustaqil qarorlar qabul qila bilishi;
• ilmiy va ilmiy-texnikaviy ijodiy faoliyati natijalarini his qilishga yo‘naltirilgan ijtimoiy mas'uliyat shakllangan bo‘lishi;
• kasbiy faoliyatda o‘zlashtirgan fanlaming asosiy qonunlaridan foydalanishi, metodlami tasniflashi, metodologik tamoyillardan ilmiy va ilmiy-texnikaviy ijodiy faoliyatida foydalana olishi;
• xorijiy tillardan birini ilmiy muloqot va kasbiy malaka almashish vositasi sifatida egallagan bo‘lishi;
• axborotni to‘plash, saqlash, ularga ishlov berish va ulardan foydalanish usullarini egallashi;
• o‘zining kasbiy faoliyatida asosli mustaqil qarorlar qabul qila bilishi;
• axborot, bilim, ma'lumotni bir-biridan farqlash malakasiga ega bo‘lishi, axborot texnologiyalaridan foydalana olishi;

Amaliyotlarga qo‘yiladigan talablar

Ilmiy amaliyot – umumkasbiy va mutaxassislik fanlaridan nazariy bilimlarni mustahkamlash va ishlab chiqarish hamda ilmiy tadqiqot jarayonlari bilan uyg‘unlashtirish, tegishli amaliy ko‘nikmalar, kompetensiyalar va malakalami shakllantirishga qaratiladi. Mutaxassislik bo‘yicha ilmiy amaliyot o‘tkaziladi.

Dastur davomida talabalarga tanlov fan sifatida zamon talabiga javob beruvchi, raqamli kommunikatsiya va ta'lim muhitlari bilan ishlash, interaktiv usullarni o‘rganish va tavsiya etilgan yoki tashqi tanlangan ilg‘or fanlar bilan shug‘ullanish imkoniyati beradi.

Ushbu fanlardan biri Sun'iy intelekt tizimlari fani. Bugungi raqamli davrda sun'iy intellekt (SI) texnologiyalari barcha sohalarga chuqur kirib bormoqda. Shu sababli oliy ta'lim tizimida “Sun'iy intellekt tizimlari” fani muhim o‘rin tutadi. Ushbu fan talabalarga nafaqat nazariy bilim, balki amaliy ko‘nikmalarni ham shakllantiradi. Natijada kelajakda ular turli sohalarda zamonaviy intellektual tizimlarni yaratish va ulardan foydalanishga tayyor bo‘ladilar.

Dastur doirasida talabalar intellektual agentlar va qaror qabul qilish mexanizmlari, bilimlarni modellashtirish va ekspert tizimlari Mashina o‘rganish (Machine Learning) algoritmlari. Sun'iy neyron tarmoqlar va chuqur o‘rganish (Deep Learning), Tabiiy tilni qayta ishlash (Natural Language Processing) yo'nalishlar bo'yicha nazariy bilimlar beriladi. Shuningdek amaliy texnologiyalarni Python va boshqa dasturlash tillarida AI loyihalari yaratish, TensorFlow, PyTorch, Scikit-learn kabi kutubxonalar bilan ishlash, Kompyuter ko‘rish (Computer Vision) va ovoz tanish tizimlari, Chatbot va aqlli yordamchilarni ishlab chiqish kabi zamonaviy bilimlar beriladi.

Talabalar ushbu fanni o‘zlashtirgach o‘z bilimlarini intellektual o‘quv tizimlari yaratish, shaxsiylashtirilgan ta'lim dasturlarini ishlab chiqish ni amalda qo‘llashlari mumkin.

Masofaviy ta'lim texnologiyalari fanida talabalar masofaviy ta'limning shakllanish tarixi va rivojlanish bosqichlari, onlayn ta'lim tizimlarining turlari va ularning afzalliklari, raqamli ta'lim platformalari (Moodle, Google Classroom, EdX, Coursera va boshqalar), elektron ta'limni an'anaviy ta'lim bilan integratsiyalash metodlari nazariy asoslarini o'rganishadi.

Talabalar qo'yidagi amaliy ko‘nikmalarga ego bo'ladi:

• o‘quv kurslarini masofadan turib loyihalash va yaratish;
• video darslar, elektron qo‘llanmalar, test tizimlarini ishlab chiqish;
• virtual sinflarni tashkil etish va boshqarish;
• talabalarni masofadan nazorat qilish va baholash;
• interfaol dasturlar (Zoom, MS Teams, Mentimeter, Kahoot) yordamida dars o‘tkazish.

“Zamonaviy dasturlash tillari” fani doirasida talabalar:

Nazariy qism sifatida :

• Dasturlash tillarining rivojlanish tendensiyalari (C dan boshlab Python, Java, JavaScript, C#, Go, Rust, Swift va boshqalar).
• Imperativ, obyektga yo‘naltirilgan va funksional dasturlash paradigmalarini taqqoslash.
• Sintaksis va semantika tushunchalari, turli tillar sintaksisini solishtirish.
• Kross-platforma imkoniyatlari (mobil, veb, desktop, bulutli tizimlarda ishlash).
• Sun'iy intellekt, ma'lumotlar bazasi, IoT, Big Data bilan ishlashda qaysi tillar afzal ekani.

Amaliy qism:

• Python → sun'iy intellekt, data science, avtomatlashtirish.
• Java / Kotlin → Android dasturlash, yirik korporativ tizimlar.
• JavaScript / TypeScript → veb dasturlash (frontend + backend: Node.js).
• C# → o‘yin yaratish (Unity), biznes ilovalar.
• Go, Rust → yuqori samaradorlik talab qilinadigan tizimlar, server dasturlash.
• Swift → iOS dasturlash.
• Git va versiya nazorati → jamoaviy dasturlash madaniyati.

Zamonaviy dasturlash tillari” fani talabalarni faqat kod yozishga emas, balki turli platformalarda amaliy yechim yaratishga, innovatsion texnologiyalarni ishlab chiqishga va global IT bozorida o‘z o‘rnini topishga tayyorlaydi.

1. Algoritmlarni loyihalash va tahlil qilish.pdf
2. Axborotlarni izlash va ajratib olish.pdf
3. Innovatsiya va loyihalarni boshqarish.pdf
4. Maxsus fanlarni o'qitish metodikasi.pdf
5. Raqamli ta'lim va pedagogik kompetentlik.pdf

Doktorantura dasturlari (PhD, DSc)

Rizayeva Sanobar Davlataliyevna

Kafedra katta shiituvchisi S.Rizayeva “Pedagogika oliy ta'lim muassasalarida о‘quv jarayonini individual ta'lim texnologiyalari asosida takomillashtirish metodikasi” mavzusidagi 13.00.02- Ta'lim va tarbiya nazariyai va metodikasi (sohalar bо‘yicha) ixtisosligi bо‘yicha ilmiy faoliyat olib bormoqda;

Ibadullayev Doniyor Kuvandikovich

Kafedra о‘qituvchisi D.Ibodullayevga “Xalqaor toifadagi о‘tiuvchilarni VR texnologiyasi orqali tayyorlashni takomillashtirish” mavzusidagi 13.00.02- Ta'lim va tarbiya nazariyai va metodikasi (sohalar bо‘yicha) ixtisosligi bо‘yicha ilmiy faoliyat olib bormoqda