Bir siqim tuproq
QR kod:
Yunusbek Abdiyev o'z yo'lini izlayotgan va ma'lum ma'noda bunga musharraf bo'layotgan yosh qalam sohibi. U «Tog'ning balandligi...», «Oltin zanglamaydi», «Mung bosmasin majnuntollarni» kabi qator publisistik maqolalarida bugungi tezkor zamonda inson va uning qadri, ona tabiatga muhabbat, Vatan oldidagi mas'uliyat, imon va e'tiqod mavzusida o'ziga xos fikr yuritgan, o'z iste'dodi bois o'quvchini ishontira olayotgan ijodkor yoshlardan.
Yunusbek Abdiyevning izlanishlari O'zbekiston Yozuvchilar uyushmasi tomonidan tashkil etilgan Yosh ijodkorlar seminarida ham munosib e'tirof etilgan. Qo'lingizdagi sizga tuhfa etilayotgan «Bir siqim tuproq» nomli to'plami Yunusbek ijodidan ilk guldasta. O'ylaymanki, bu sovg'a kitobxonlarga ma'qul bo'ladi. Yunusbek esa, tolmasin, toliqmasin. Ortiqcha g'urur, ortiqcha iftixorlardan voz kechib, yorug' manzillarni ko'zlab, dildagi ezgu tilaklariga erishsin, deyman.
