Bolalar adabiyoti
QR kod:
Yuklab olishlar
Mamlakatimiz mustaqillikka erishgach, buyuk ma’naviyatimizni tiklash va yanada yuksaltirish, milliy ta’lim-tarbiya tizimini takomillashtirish, uning tarixiy
zaminini mustahkamlash, ayni paytda zamon talablari bilan uyg‘unlashtirishga e’tibor qaratildi. Shuningdek, O'zbekiston Respublikasi Prezidenti Sh.Mirziyoyevning 2017 yil 20 apreldagi PQ-2909-sonli “Oliy ta’lim tizimini yanada rivojlantirish chora tadbirlari togrisida”gi qarorida yangi avlod oquv
adabiyotlarini yaratish va ularni oliy ta’lim muassasalarining ta’lim jarayoniga keng tatbiq etish, oliy ta’lim muassasalarini zamonaviy oquv, oquv-metodik va ilmiy
adabiyotlar bilan ta’minlash oliy ta’lim tizimini kelgusida rivojlantirishning eng muhim vazifalari qatorida turishi belgilab berilgan. Binobarin, professor-o‘qituvchilar, olimlar tomonidan oliygoh talabalari uchun fan dasturlariga muvofiq o‘quv qo‘llanma, darslik, o‘quv-usuliy qo‘llanmalarini tuzishi dolzarb vazifalardan hisoblanadi. “Bolalar adabiyoti” darsligi Oliy o‘quv yurtlarining 5111700 – Boshlang‘ich ta’lim va sport tarbiyaviy ish, 5111800 – Maktabgacha ta’lim yo‘nalishi bakalavrlari uchun O‘zbekiston Respublikasi Oliy va o‘rta maxsus ta’lim vazirligi tomonidan 2018- yilning 18.08-sanasi bilan tasdiqlanib, BD-5111700-2.03; BD -5111800-3.05 raqami bilan qayd etilgan, Nizomiy nomidagi TDPUda ishlab chiqilgan “Ona tili va bolalar adabiyoti” fan dasturining (tuzuvchilar– Hamrayev M.A., Pardayev B.O‘.) “ Bolalar adabiyoti” qismi asosida yozilgan. Unda bolalar adabiyoti fanining nazariy asoslari, uning shakllanishida asosiy
omil hisoblanuvchi bolalar folklori hamda bolalar kitobxonligi muammolari, o‘zbek bolalar adabiyotining shakllanishi hamda tadrijiy taraqqiyotiga oid ma’lumotlar, jahon va qardosh xalqlar bolalar adabiyotining asosiy tamoyillari, namunalari umumlashtirilgan.
