Buxgalteriya

Buxgalteriya bo‘limi O‘zbekiston Respublikasi qonunlari va Moliya vazirligi tomonidan tasdiqlangan me’yoriy hujjatlarga qat’iy rioya qilgan holda faoliyat yuritadi. Bo‘limning asosiy vazifalari – buxgalteriya hisobi tizimini tashkil etish, moliyaviy va moddiy resurslardan samarali foydalanishni ta’minlash, barcha moliyaviy operatsiyalarni aniq va shaffof yuritishdir.

Bosh buxgalter va uning o‘rinbosarlari ish haqi, stipendiya, soliqlar va boshqa majburiyatlarni o‘z vaqtida hisoblash hamda tarqatishni nazorat qiladi. Shuningdek, bo‘lim aktivlarning holati va harakatini, mulkiy huquq va majburiyatlarni to‘liq va aniq hisobga olishni tashkil etadi.

Inventarizatsiyalarni o‘z vaqtida o‘tkazish, tovar-moddiy boyliklar va pul mablag‘larining harakati ustidan qat’iy nazorat qilish bo‘lim faoliyatining muhim qismidir. Bo‘lim bank operatsiyalari, pul mablag‘lari va xarajatlar smetalari ijrosini tahlil qiladi, debitorlik va kreditorlik qarzdorliklarining yuzaga kelishini oldini olishga harakat qiladi.

Ichki auditorlik nazorati orqali bo‘lim moddiy va moliyaviy resurslarning talon-toroj qilinishining oldini oladi, pul mablag‘lari va boshqa aktivlarning qonuniy va samarali foydalanilishini ta’minlaydi. Shuningdek, bo‘lim OTMning barcha moliyaviy faoliyati bo‘yicha hisob-kitob hisobotlarini tayyorlab, belgilangan muddatlarda Oliy va o‘rta maxsus ta’lim vazirligiga, soliq inspeksiyasiga va boshqa tegishli tashkilotlarga topshiradi.

Buxgalteriya bo‘limi o‘z faoliyatida zamonaviy hisob-kitob dasturlari va texnologiyalaridan keng foydalanadi, xodimlarining malakasini doimiy oshirib boradi hamda moliyaviy xavfsizlikni ta’minlashga alohida e'tibor qaratadi.