CHDPU rahbariyati “Taʼlimda sunʼiy intellekt texnologiyalarini qoʻllash va ulardan samarali foydalanish bo‘yicha rektorlar forumi”da ishtirok etdi

     O‘zbekiston Respublikasi Prezidenti Administratsiyasi rahbarining o‘rinbosari Hilola Umarova va Oliy taʼlim, fan va innovatsiyalar vaziri Qo‘ng‘irotboy Sharipov boshchiligida “Taʼlimda sunʼiy intellekt texnologiyalarini qoʻllash va ulardan samarali foydalanish bo‘yicha rektorlar forumi” bo’lib o’tdi.

     Ushbu nufuzli anjumanda respublika bo‘yicha 200 dan ortiq oliy taʼlim tashkilotlari rahbarlari, sohaning yetakchi mutaxassislari, mahalliy va xalqaro ekspertlar, jumladan, Chirchiq davlat pedagogika universiteti prorektori Baxodir Eshchanov ishtirok etdi.

     Forum doirasida sunʼiy intellektni oʻquv jarayoniga integratsiya qilish, talabalar ehtiyojiga moslashtirilgan taʼlim modellarini rivojlantirish, taʼlim jarayonini boshqarishda katta maʼlumotlar tahlilidan foydalanish, shuningdek, akademik halollikni taʼminlashda ilgʻor intellektual texnologiyalarni qoʻllash boʻyicha oʻzaro tajriba va amaliy yechimlarni taqdim etish bo’yicha ma’lumotlar berildi.

     Forumning ikkinchi qismida barcha ishtirokchilar zamonaviy tusda qad rostlagan “Islom sivilizatsiya markazi”ga tashrif buyurdilar.

Universitet Axborot xizmati