CHDPU vakillari ilk marotaba raqamli tabiiy fanlar sohasida xalqaro stajirovka o‘tadi

     Chirchiq davlat pedagogika universiteti Geografiya kafedrasi dotsenti Sherzod Ibroimov va Kimyo kafedrasi dotsenti Qamariddin Komilovlar joriy yilning 24-noyabr — 5-dekabr kunlari Moskva davlat pedagogika universiteti (Московский педагогический государственный университет)da bo‘lib, raqami ta’limda o‘quv dasturlari mazmunini va o‘quv maqsadlarini belgilash modellarini ishlab chiqish bo‘yicha xalqaro stajirovka o‘tadi.

     CHDPU vakillari MDPUga tashrif davomida u yerdagi hamkasblari tomonidan tashkil etilgan seminarlarda ham faol ishtirok etdi. Stajirovka davomida, Sherzod Ibroimov va Qamariddin Komilovlar tomonidan Moskva universitetining ta’lim jarayoni va o‘quv mashg‘ulotlarini olib borish metodikasi o‘rganildi. Ayniqsa, Moskva universiteti professorlari tomonidan "Tabiiy fanlar va raqamli ta’lim" mavzusida tashkil etilgan o‘quv mashg‘ulotlarida yordamchi trener sifatida ishtirok etdi.

      Stajirovka yakunida Rossiya Ta’limi vazirligining maxsus sertifikati topshirildi.

Universitet Axborot xizmati