CHDPUda Abay tavalludining 180 yilligi nishonlandi

Chirchiq davlat pedagogika universitetida Qozoq madaniyat markazi bilan hamkorlikda qozoq adabiyoti asoschisi, buyuk faylasuf va ma’rifatparvar shoir Abay Qunanboyev tavalludining 180 yilligiga bag‘ishlangan tadbir bo‘lib o‘tdi.

Tadbirga Chirchiq shahar hokimi Murodjon Abduraximov, Qozoq milliy madaniyat markazi Chirchiq shahar hududiy bo'linmasi raisi Jaqsiliq Joriqbayev va bir guruh mehmonlar tashrif buyurdi.

Tadbir davomida Abay ijodining jahon adabiyoti va falsafasidagi o‘rni, uning insonparvarlik, ma’naviy barkamollik va ma’rifatga chorlovchi g‘oyalari talabalarga keng yoritib berildi. Shuningdek, talabalar tomonidan Abay asarlaridan parchalar o‘qildi, uning falsafiy qarashlari va she’riy merosi haqida fikr-mulohazalar bildirildi.

Mazkur tadbir yoshlar qalbida adabiyotga muhabbat uyg‘otish, ulug‘ siymolarning boy merosini asrab-avaylash va keng targ‘ib qilishga qaratildi.