CHDPUda “Milliy armiya — Ona yurt qalqoni, tinchligimiz posboni” shiori ostida bayram tadbiri o‘tkazildi
Chirchiq davlat pedagogika universitetida O‘zbekiston Respublikasi Qurolli Kuchlari tashkil etilganining 34 yilligi hamda 14-yanvar — Vatan himoyachilari kuni munosabati bilan “Milliy armiya — Ona yurt qalqoni, tinchligimiz posboni” shiori ostida tantanali bayram tadbiri tashkil etildi.
Vatan himoyachilarining sharafli va mas’uliyatli xizmatiga yuksak hurmat-ehtirom ko‘rsatish, yoshlar ongida vatanparvarlik, mardlik va sadoqat tuyg‘ularini mustahkamlash, shuningdek, harbiy va fuqarolik hamkorligini yanada rivojlantirish maqsadida tashkil etilgan tadbir O‘zbekiston Respublikasi Davlat madhiyasining jonli ijrosi bilan boshlandi. Madhiyadan so‘ng, Rektor Muhammedov G‘ofurjon Isroilovich barchani tantanali sana bilan tabrikladi.
Universitet rahbari milliy armiyamiz Yangi O‘zbekiston taraqqiyotining mustahkam tayanchi, mamlakat tinchligi va xalq osoyishtaligining ishonchli kafolati ekanini alohida ta’kidladi. Tadbir doirasida Chirchiq shahridagi harbiy qismlar ofitserlari hamda 21-umumta'lim maktabi o'quvchilarini taqdirladi.
Bayramning badiiy qismida talabalar ijrosidagi kuy-qo‘shiqlar, 21-umumta'lim maktabi o'quvchilari tomonidan taqdim etilgan tabriklar, raqslar tadbirga bayramona kayfiyat bag‘ishladi. Shuningdek, harbiy qism “Lochin” maxsus guruhi tomonidan namoyish etilgan ko‘rgazmali jang san’ati tomoshabinlarda katta taassurot qoldirdi.
Universitet Axborot xizmati
Galereya
