CHDPUda xalqaro yozgi maktabga start berildi

     Germaniya Federativ Respublikasining Mannhaym shahrida joylashgan Laybnits- Nemis tili ilmiy-tadqiqot instituti (IDS) hamda O‘zbekiston Respublikasining nemis tili yo‘nalishidagi oliy ta’lim muassasalari o‘rtasida imzolangan ko‘p tomonlama ilmiy hamkorlik shartnomasi doirasida Chirchiq davlat pedagogika universitetida empirik germanistika yo‘nalishida xalqaro yozgi maktab boshlandi.

     2026-yil 13-aprel kuni yozgi maktabning birinchi kuni muvaffaqiyatli tashkil etildi. Dasturga muvofiq, kun quyidagi bosqichlar bilan boshlandi:

     IDS va ma’ruzachilar tanishtirildi;
     IDS ilmiy resurslari (korpuslar va elektron bazalar) taqdimoti o‘tkazildi;
     ishtirokchilarga zamonaviy lingvistik tadqiqot imkoniyatlari haqida ma’lumot berildi.

     Kun davomida professor Stefan Engelberg tomonidan “Das Lexikon aus korpuslinguistischer Perspektive – Der Wortschatz” mavzusida ilmiy ma’ruza o‘qildi.

     Kunning ikkinchi yarmida filologik konferensiya doirasida ilmiy ma’ruzalar hamda ko‘p tillilik, til identifikatsiyasi va til normasi bilan real qo‘llanish o‘rtasidagi munosabatlarga oid dolzarb mavzular muhokama qilindi.

     Tadbirda respublikaning turli oliy ta’lim muassasalaridan tashrif buyurgan o‘qituvchilar, magistrantlar va talabalar faol ishtirok etmoqda.

     Mazkur yozgi maktab ChDPU va IDS o‘rtasidagi samarali hamkorlikning amaliy natijasi bo‘lib, universitetda xalqaro ilmiy muhitni shakllantirishda muhim ahamiyat kasb etmoqda.

Universitet Axborot xizmati