Birinchi muallim (qissa)
QR kod:
Yuklab olishlar
Bu suratni hali tamom qilganim yoʼq. Qanday chiqishini hozircha aytish qiyin. Har kuni ilk saharda turib, xomaki etyudlarimni yana ikki-uch marta koʼzdan kechirarkanman, tong sukunatida u yoq-bu yokka asta-asta yurib oʼyga choʼmaman. Yoʼq, hali koʼnglimdagini topganimcha yoʼq, yana tagʼin koʼp ishi bor. Bu surat hali koʼngildagi bir tilak, kalbimni hayajonga solgan orzu-umid, xolos...
Hali tamomlanmagan asar toʼgʼrisida oldindan jar solishni oʼzim ham azaldan yoktirmasdim. Bu baxillikdan emas. Beshikdagi chaqaloqning kim boʼlib voyaga yetishini qayoqdan bilib boʼladi deysiz? Lekin bu safar oʼzingiz koʼrib turibsiz, shu odatimdan voz kechib, xom-xatala asarimni oʼrtaga tashlab, undan gap ochmoqchiman... Indamay yurishga hech ilojim yoʼq. Rostini aytsam, bir oʼzim yolgʼizlik qilib qoldim, bezovta qilib, es-hushimni oʼzimga band etgan bu voqea yuragimga sigmay, kuchogim ham yetmay turibdi.
