Chirchiq davlat pedagogika universitetida 11-yanvar - Xalqaro qo'riqxonalar va milliy bog'lar kuni munosabati bilan davra suhbati o'tkazildi.

Ekologiya, atrof muhitni muhofaza qilish va iqlim oʻzgarishi vazirligi 2025-yil 3-yanvardagi 03-03/1-03/6-15-sonli xatiga muvofiq "11-yanvar Qoʻriqxonalar va milliy bogʻlar kuni" munosabati bilan Tabiiy fanlar fakultetida davra suhbati tashkil etildi.

Oʻzbekistonda tashkil etilgan qoʻriqxonalar, milliy bogʻlar qayerlarda joylashgan, ularning vazifasi nima, qanday faoliyat olib boradi kabi mana shunday mavzularda talabalarga tushunchalar berildi. Ayniqsa eng katta qoʻriqxonalardan boʻlgan Qashqadaryo viloyatida joylashgan "Hisor" va Toshkent viloyatida joylashgan "Chotqol" qoʻriqxonalari faoliyati bilan yaqindan tanishtirildi.

Davra suhbatida biologiya va geografiya yoʻnalishi talabalari ishtirok etgani va bu mavzular ularga yaqin boʻlgani uchun qizgʻin savol-javob tarzida tashkil etildi.