Chirchiq davlat pedagogika universitetida «Kelajakka qadam» dasturi doirasida uchrashuv bo‘lib o‘tdi
Davlatimiz rahbarining 24-fevraldagi yoshlar bilan muloqotidan so‘ng “Rahbar va yoshlar uchrashuvi” doirasida universitetda “Kelajakka qadam” dasturi asosida uchrashuv tashkil etildi.
Unda O‘zMilliyBank AJ Boshqaruv raisi o‘rinbosari Baxtiyor Mirdovidov, Toshkent viloyati Bosh boshqarmasi boshlig‘i o‘rinbosari Mardon Saipov hamda “Kelajakka qadam” markazi direktori Elmurod Xoshimov ishtirok etdi.
NBU vakillari quyidagi yo‘nalishlar bo‘yicha ma’lumot taqdim etdilar:
◽️ Talabalarni ish bilan ta’minlash;
◽️ Zamonaviy mehnat bozori talablari;
◽️ Yoshlar tadbirkorligini qo‘llab-quvvatlash.
Bitiruvchilarga shuningdek quyidagilar haqida batafsil ma’lumot berildi:
◽️ Dastur doirasidagi imtiyozli kreditlar;
◽️ O‘z biznes loyihalarini amalga oshirish imkoniyatlari.
Uchrashuv davomida talabalar dolzarb ma’lumotlarga ega bo‘lishdi va bank vakillariga o‘zlarini qiziqtirgan savollarni bevosita yo‘llash imkoniga ega bo‘ldilar.
Universitet Axborot xizmati
Galereya
