Kafedraning missiyasi: Zamonaviy intellektual talablar va mamlakatni rivojlantirish strategiyasiga javob beradigan o‘zbek adabiyotshunosligi sohasida yuqori malakali mutaxassislarning yangi avlodini shakllantirish va rivojlantirish.

Maqsadlarimiz:

• Ta’lim sohasiga zamonaviy ta’lim dasturlarini ishlab chiqish va joriy etish.
• Innovatsion texnologiyalardan foydalangan holda o‘zbek adabiyotshunosligi sohasidagi fanlarni o‘qitishni takomillashtirish.
• Talabalarning ehtiyojlarini hisobga olgan holda ta’limni individuallashtirish.
• Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.
• Ilmiy-tadqiqot muhitini rivojlantirish – adabiyot o‘qitish va filologik, pedagogik tadqiqotlar bo‘yicha innovatsion markazga aylanish.

Kafedra bakalavriat bosqichi talabalariga o‘zbek adabiyotini o‘qitish bo‘yicha darslar olib boradi.

1-kurs o‘quv dasturlari:

• 60110700 - O‘zbek tili va adabiyoti – Adabiyotshunoslik asoslari
• 60110800 - Tojik tili va adabiyoti – Dialektologiyai tojik

2-kurs o‘quv dasturlari:

• 60110700 - O‘zbek tili va adabiyoti – O‘zbek adabiyoti
• 60110800 - Tojik tili va adabiyoti – Adabiyoti bachagonai tojik

3-kurs o‘quv dasturlari:

• 60110800 - Tojik tili va adabiyoti – Metodikai ta’limi zaboni tojik

4-kurs o‘quv dasturlari:

• 60110800 - Tojik tili va adabiyoti – Nazariyai adabiyot

Magistratura bosqichi talabalari uchun: 1-kurs:

• 700111401 - O‘zbek tili va adabiyoti – Oʻzbek adabiyotshunosligining dolzarb masalalari

2-kurs:

• 700111401 - O‘zbek tili va adabiyoti – Maxsus fanlarni oʻqitish metodikasi, Ilmiy seminar.

ILMIY-TADQIQOT YO‘NALISHLARI VA LOYIHALAR

O‘zbek adabiyotshunosligi kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

• O‘zbek adabiyotini o‘qitish metodikasi: Differensiatsiyalashgan adabiy ta'limni pedagogik ta'lim innovatsion klasteri asosida tashkil etish jarayoni zamonaviy ta'lim tizimining dolzarb muammolaridan biri hisoblanadi. Ushbu mavzu yuzasidan differentsiatlashgan ta’limning nazariy va amaliy jihatlari, xususan, Alisher Navoiy ijodi misolida o‘rganilib kelinmoqda.
• Yangi zamon she’riyatida diniy mavzular poetikasi: Kafedraning mazkur yo‘nalishdagi ilmiy izlanishlari yangi zamon she’riyatida diniy-ma’rifiy va tasavvufiy mavzular poetikasiga qaratilgan.
• Alisher Navoiy ijodini o‘rganish: Navoiyning “Farhod va Shirin” dostonida obrazlar genezisi va evolyutsiyasi doirasida bir qator ilmiy ishlar olib borilmoqda.
• Badiiy tarjima: Badiiy tarjimada lingvopoetik vositalar, ularning ifodalanishi va o‘ziga xos xususiyatlari yuzasidan tadqiqotlar olib borilmoqda.
• Qiyosiy adabiyotshunoslik: XVIII-XIX asralarda o‘zbek va tojik adabiyotida badiiy uslubiy izlanishlar qiyosan o‘rganilmoqda va bir qator tadqiqotlar olib borilyapti.
• Tarixiy obrazlar talqini: Badiiy adabiyotda tarixiy shaxslar obrazining badiiy talqinini yaratish zamonaviy filologiyaning dolzarb muammolaridan hisoblanadi. Xurshid Davron ijodi Amir Temur, Mirzo Ulug‘bek, Bibixonim kabi tarixiy shaxslarning badiiy talqinini yaratganligi bilan ahamiyatlidir. Mavzu yuzasidan ijodkorning lirik, epik va dramatik asarlari tahlil qilinmoqda.
• Jadid adabiyoti: Bugungi kunda dolzarb mavzulardan bo‘lgan jadidshunoslik va ularning asarlaridagi estetik ideal talqini kafedrada chuqurroq o‘rganilmoqda. Hamza dramalarida muallif estetik ideali muammosi ochib beriladi, jumladan uning "Zaharli hayot", "Tuhmatchilar jazosi", "Paranchi sirlaridan bir lavha", "Burungi saylovlar" kabi dramalari tadqiqot obyekti sifatida olingan.

Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.