Eko faol talabalar bo'limi
Ekofaol talabalar – barqaror kelajak poydevori
XXI asrda insoniyat duch kelayotgan eng dolzarb muammolardan biri — bu ekologik muvozanatning buzilishi va atrof-muhit ifloslanishidir. Bu borada ta’lim tizimining roli beqiyos bo‘lib, ayniqsa, yoshlar orasida ekologik madaniyatni shakllantirish muhim ahamiyat kasb etadi. Shu nuqtai nazardan, ekofaol talabalar tushunchasi alohida e’tiborga loyiqdir.
Ekofaol talaba kim?
Ekofaol talaba — bu atrof-muhitni muhofaza qilish, tabiiy resurslardan oqilona foydalanish va barqaror rivojlanishga hissa qo‘shishga intiladigan, ekologik ong va madaniyatga ega bo‘lgan ijtimoiy mas’uliyatli yosh avlod vakilidir.
Xaliljonova Nasiba Baxtiyor qizi
Homidova Ozoda Hoshim qizi
Sharipov Mirjalol Jamoliddin o'g'li
Abdullayeva Zebo Sayrullayevna
Muxuyatdinova Taxmina Salamatovna
Xolxojayeva Sevinch Iqbolxo’jayeva
Solijonov Shohijaxon Shavkatjon oʻgʻli
Miraxmatillayeva Lobar Nurjan qizi
Sayriddinova Kibriyo Sayfiddin qizi
Shirinov Nodirbek Yunusboy o'g'li
Chirchiq shahrida “Yashil makon” umummilliy loyihasi doirasida ko‘tarinki ruhda ko‘chat ekish ishlari bo'lib o'tdi.
Tadbirda Chirchiq shahar hokimi, universitet rahbariyati va ekofaol talabalar ishtirok etdi.
Tadbirda “Yashil makon” loyihasi va Prezidentimizning tabiatni asrash borasidagi tashabbuslari muhokama qilinib, “Tabiatni asrash — bu farzandlarimiz kelajagini asrashdir” degan g‘oya asosiy mazmunga aylandi.
Chirchiq davlat pedagogika universitetida Butunjahon Tozalik kuni keng miqyosda nishonlandi. Tadbir avvalo talabalar ongida ekologik madaniyatni shakllantirish, atrof-muhitni asrab-avaylashga bo‘lgan mas’uliyatni oshirish maqsadida targ‘ibot ishlari bilan boshlandi.
Toshkent viloyati tibbiyot birlashmasi shifokori A. Sulaymonov talabalar bilan uchrashib, sog‘lom hayot tarzi va ekologik tozalikning inson salomatligidagi o‘rni haqida muhim ma’lumotlar berdi. Uning so‘zlariga ko‘ra, toza muhit – nafaqat estetik go‘zallik, balki kelajak avlodlar salomatligi uchun ham kafolatdir.
Uchrashuvdan so‘ng talabalar ekoaksiyalar doirasida universitet hududida va uning atrofida ommaviy tozalash ishlarini amalga oshirdilar. Tadbirning amaliy qismida chiqindilarni to‘plash, yashil hududlarni tartibga keltirish, ekologik xabardorlikni targ‘ib qilish kabi qator tashabbuslar qo‘llab-quvvatlandi.
Mazkur tadbir nafaqat ekologik muammolarga e’tibor qaratdi, balki yoshlar qalbida tabiatga mehr-muhabbat uyg‘otib, ekologik mas’uliyatni yanada oshirishga xizmat qildi.
Chirchiq davlat pedagogika universitetida ekologik muammolarni hal etishda yoshlarning o‘rnini belgilash, ularning iqlim o‘zgarishiga qarshi kurashdagi tashabbuslarini qo‘llab-quvvatlash maqsadida Yoshlar ekologik forumi bo‘lib o‘tdi.
Mazkur forum O‘zbekiston Ekologik partiyasi Toshkent viloyati Kengashi ko‘magida, Prezidentimiz tomonidan qabul qilingan “Toshkent shahrida ekologik vaziyatni yaxshilash bo‘yicha kechiktirib bo‘lmaydigan chora-tadbirlar to‘g‘risida”gi Farmon ijrosi doirasida tashkil etildi.
