Eko faol talabalar bo'limi

Chirchiq shahrida “Yashil makon” umummilliy loyihasi doirasida ko‘tarinki ruhda ko‘chat ekish ishlari bo'lib o'tdi.

Tadbirda Chirchiq shahar hokimi, universitet rahbariyati va ekofaol talabalar ishtirok etdi.

Tadbirda “Yashil makon” loyihasi va Prezidentimizning tabiatni asrash borasidagi tashabbuslari muhokama qilinib, “Tabiatni asrash — bu farzandlarimiz kelajagini asrashdir” degan g‘oya asosiy mazmunga aylandi.

Chirchiq davlat pedagogika universitetida Butunjahon Tozalik kuni keng miqyosda nishonlandi. Tadbir avvalo talabalar ongida ekologik madaniyatni shakllantirish, atrof-muhitni asrab-avaylashga bo‘lgan mas’uliyatni oshirish maqsadida targ‘ibot ishlari bilan boshlandi.

Toshkent viloyati tibbiyot birlashmasi shifokori A. Sulaymonov talabalar bilan uchrashib, sog‘lom hayot tarzi va ekologik tozalikning inson salomatligidagi o‘rni haqida muhim ma’lumotlar berdi. Uning so‘zlariga ko‘ra, toza muhit – nafaqat estetik go‘zallik, balki kelajak avlodlar salomatligi uchun ham kafolatdir.

Uchrashuvdan so‘ng talabalar ekoaksiyalar doirasida universitet hududida va uning atrofida ommaviy tozalash ishlarini amalga oshirdilar. Tadbirning amaliy qismida chiqindilarni to‘plash, yashil hududlarni tartibga keltirish, ekologik xabardorlikni targ‘ib qilish kabi qator tashabbuslar qo‘llab-quvvatlandi.

Mazkur tadbir nafaqat ekologik muammolarga e’tibor qaratdi, balki yoshlar qalbida tabiatga mehr-muhabbat uyg‘otib, ekologik mas’uliyatni yanada oshirishga xizmat qildi.

Chirchiq davlat pedagogika universitetida ekologik muammolarni hal etishda yoshlarning o‘rnini belgilash, ularning iqlim o‘zgarishiga qarshi kurashdagi tashabbuslarini qo‘llab-quvvatlash maqsadida Yoshlar ekologik forumi bo‘lib o‘tdi.

Mazkur forum O‘zbekiston Ekologik partiyasi Toshkent viloyati Kengashi ko‘magida, Prezidentimiz tomonidan qabul qilingan “Toshkent shahrida ekologik vaziyatni yaxshilash bo‘yicha kechiktirib bo‘lmaydigan chora-tadbirlar to‘g‘risida”gi Farmon ijrosi doirasida tashkil etildi.

O‘zbekiston Respublikasi Ekologiya va atrof-muhitni muhofaza qilish qo‘mitasi hamda Maktabgacha va maktab ta’limi vazirligi hamkorligida tashkil etilgan respublika ko‘rik-tanlovining Universitet bosqichi Chirchiq davlat pedagogika universiteti Tabiiy fanlar fakultetida bo‘lib o‘tdi.

Mazkur tanlov fakultet dekan o‘rinbosari R. Xamrayev, biologiya kafedrasi professor o’qotuvchilari Qorayev S,Ro’zimova X hamda fakultet tyutorlari ishtirok etdi. Unda talabalar ekologiya sohasiga oid qonun hujjatlari bo‘yicha bilimlarini sinovdan o‘tkazib, atrof-muhitni muhofaza qilishga qaratilgan o‘z tashabbuslari va qarashlarini namoyon etdilar.

evral oyi tasdiqlangan targ‘ibot-tadbirlari grafigi asosida tuman va shaharlarda ayollar ishtirokida “ochiq muloqot”, davra suhbati va seminarlar tashkil etilmoqda.

Mazkur tadbir O‘zbekiston Ekologik partiyasi tashabbusi bilan o‘tkazilib, unda: — Mirzayusupov Zuxriddin Qoraboyevich – Chirchiq shahar partiya tashkiloti Kengashi raisi,
— Abdullayev Sobir – Toshkent viloyati partiya tashkiloti Kengashi raisining birinchi o‘rinbosari,
— Pirmuhamedov Sherzod – Toshkent viloyati partiya tashkiloti Kengashi raisi o‘rinbosari ishtirok etdilar.

Shuningdek, San’atshunoslik fakulteti Yoshlar bilan ishlash bo‘yicha dekan o‘rinbosari D.G‘., fakultet xotin-qizlar bo‘yicha dekan maslahatchisi Xolmuxammedova M., Muxitdinova M., kafedra mudiri Yunusov O. hamda tyutorlar faol qatnashdilar.

Tabiiy fanlar fakultetida talabalar ishtirokida “Plogging” ekologik loyihasi tashkil etildi. Tadbir davomida Shodlik mahallasi hududi turli chiqindilardan tozalandi.

Mazkur tashabbus orqali talabalar atrof-muhit musaffoligini ta’minlashga o‘z hissalarini qo‘shdilar hamda ekologik madaniyatni yanada mustahkamlashga xizmat qildilar.

E’LON
Chirchiq davlat pedagogika universiteti "Eko volontyorlar" guruhiga a’zolar qabul qilinadi!

Tabiatni asrashga befarq emasmisiz?
Ijtimoiy loyihalarda faol bo‘lishni xohlaysizmi?
Unda bizning jamoaga qo‘shiling!
 

Faoliyat yo‘nalishlari:
Ekologik aksiyalar
Tozalash va ko‘chat ekish tadbirlari
Tabiatga oid targ‘ibot va ma’rifiy ishlar
Jamoaviy sayohatlar va loyihalar

 Ariza topshirish uchun:
 Telegram: @sevinch_iqbolxojayevna
 Tabiatni asraylik — kelajakni birga quraylik!