Ulug‘bek Yarashovich Elmurodov 2020-yildan buyon Chirchiq davlat pedagogika universitetida “Katta o‘qituvchi” lavozimida faoliyat yuritib kelmoqda. Ilmiy faoliyati davomida u 60 dan ortiq ilmiy maqolalar yozgan bo‘lib, ular xalqaro (xorijiy) hamda respublika (milliy) miqyosidagi nufuzli nashrlarda chop etilgan. Shuningdek, u bir monografiya va ikki kitob ( o`quv darsliglari)muallifidir.
U talabalarning ingliz tilini o‘rganishga bo‘lgan qiziqishini oshirish maqsadida turli madaniy-ma’rifiy tadbirlar, ijodiy to‘garaklar tashkil etgan. Shuningdek, talabalar ijrosida ingliz tilida sahnalashtirilgan video-teatr loyihasini ishlab chiqib, uni YouTube kanalida ommaga taqdim etgan.
Hozirda Ulug‘bek Yarashovich “Individual yondashuv” loyihasi doirasida 20 ga yaqin shogirdlari bilan muntazam ishlamoqda. U ularga ilmiy maqolalar yozish, dolzarb mavzular tanlash, izlanishlar olib borish bo‘yicha ko‘maklashadi. Shu bilan birga, u shogirdlarining ma’naviy va axloqiy tarbiyasiga ham alohida e’tibor qaratadi, ularni doim qo‘llab-quvvatlaydi va kerakli maslahatlar beradi.
Ulug‘bek Yarashovich Elmurodov uchun o‘qituvchilik — bu nafaqat kasb, balki kelajak avlodni bilimli, tarbiyali va ma’naviy yetuk insonlar qilib tarbiyalash yo‘lidagi hayotiy maqsad va mas’uliyatdir.
