“FIZIKA VA ASTRONOMIYA TADQIQOTLARIDA RAQAMLI TRANSFORMATSIYA: SUN’IY INTELLEKT, MODELLASHTIRISH VA TA’LIMNING YANGI PARADIGMALARI” 

MAVZUSIDA XALQARO ILMIY-AMALIY ANJUMANI

Chirchiq davlat pedagogika universiteti, 2026-yil 8-9-oktabr

AXBOROT XATI

O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” 2023-yil 4-iyuldagi PQ-200 qarori 9-bandida belgilangan topshiriq ijrosini o‘z vaqtida va samaralari bajarilishini ta’minlash maqsadida Oliy taʼlim, fan va innovatsiyalar vazirining 2026-yil 16-yanvardagi 11-son buyrugʻi bilan tasdiqlangan «2026-yilda o‘tkazilishi rejalashtirilgan xalqaro va respublika miqyosida o‘tkaziladigan ilmiy va ilmiy-texnik tadbirlar ro‘yxatini tasdiqlash to‘g‘risida»gi buyrug‘ining 1-ilovasi 20-bandiga asosan Chirchiq davlat pedagogika universitetida 2026-yil 8-9-oktabr kunlari “Fizika va astronomiya tadqiqotlarida raqamli transformatsiya: sun’iy intellekt, modellashtirish va ta’limning yangi paradigmalari” mavzusi bo‘yicha o‘tkaziladigan Xalqaro ilmiy-amaliy anjumaniga taklif etamiz. 

Anjumanni oʻtkazish muddati va joyi: 2026-yil 8-9-oktabr, Chirchiq davlat pedagogika universiteti. 

Anjumanda quyidagi masalalar muhokama qilinishi rejalashtirilgan: 

1-sho‘ba. Fizika va astronomiyada raqamli transformatsiya: dolzarb ilmiy muammolar va innovatsion yechimlar;

2-sho‘ba. Fizika va astronomiyani o‘qitishda raqamli texnologiyalar va innovatsion yondashuvlar;

3-sho‘ba. Aniq va tabiiy fanlarni o‘qitishda fanlararo integratsiya va STEAM yondashuvlari.

 Anjumanning ishchi tili: oʻzbek, rus, ingliz tillari. 

Materiallarni tayyorlashga qoʻyiladigan talablar: materiallar 5 betgacha hajmda, 1,5 intervalda A4 formatli qogʻozda (chapdan 3 cm., yuqoridan, pastdan va oʻngdan 2 cm. dan joy qoldiriladi) kompyuterda, Microsoft Word muharriri (Times New Roman)da 14 oʻlchamli shriftda tayyorlangan boʻlishi lozim. Matnda formulalar, fizik kattaliklarning harf belgilari maxsus “formulalar redaktori” yordamida kiritiladi. Tezislarning yuqori qismida tegishli shoʻba nomi koʻrsatilib, mavzusi bosh harflarda yoziladi, ikki intervaldan soʻng muallif(lar)ning ism- familiyasi, ish joyi kichik harflarda toʻliq koʻrsatiladi va yana 1,5 intervaldan keyin Tab yordamida abzas qoʻyilib, matn yoziladi.