Fuqarolik jamiyati asoslari
QR kod:
Yuklab olishlar
Oʻzbekiston Respublikasi Prezidenti I.Karimov tomonidan 2010 yil 12 noyabrda “Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” e'lon qilingandan keyin fuqarolik jamiyatining ilmiy asoslariga nisbatan yangicha talablar vujudga
keldi. Shundan kelib chiqqan holda Oʻzbekiston Respublikasi Prezidenti huzuridagi Davlat boshqaruvi Akademiyasi Fuqarolik jamiyati asoslari kafedrasi tomonidan “Fuqarolik jamiyati asoslari” nomli oʻquv qoʻllanmasi yaratish zarurati paydo boʻldi.
Mazkur qoʻllanma Davlat boshqaruvi akademiyasi, Oʻzbekiston Respublikasi Oliy Majlisi Qonunchilik palatasi, hamda Fuqarolik jamiyati shakllanishini monitoring qilish mustaqil institutida faoliyat yuritayotgan olimlarning ijodiy hamkorligi natijasidir. Qoʻllanmada fuqarolik jamiyati hodisasining tarixi, zamonaviy mazmunda rivoj topishi, uning rivojiga koʻmak beradigan institutlar mahalliy va xorijiy olimlarning tadqiqotlariga asoslangan holda yoritilgan.
Qoʻllanma Birlashgan Millatlar Tashkiloti Taraqqiyot Dasturi (BMTTD)ning Oʻzbekistondagi vakolatxonasi koʻmagida tayyorlandi. Mualliflarning ushbu kitobdagi fikrlari BMTTDning rasmiy nuqtai nazarini aks ettirmasligi mumkin.
