B60510100 – Biologiya – bakalavriat: mutaxasisslik umumta’lim maktablari, akademik litsey, kollejlarda pedagogik faoliyat bilan, ilmiy-tadqiqot institutlarida kichik ilmiy xodim lavozimlarida faoliyat olib borishi mumkin.

M70510105-Aniq va tabiiy fanlarni o‘qitish metodikasi (biologiya) – magistratura: mutaxassislik oliy ta’lim muassasalari, malaka oshirish institutlarida pedagogik, ilmiy-tadiqot institutlarida katta ilmiy xodim lavozimlarida hamda ilmiy-tadqiqot faoliyati bian shug’ullanishi mumkin.

D03.00.09-Umumiy genetika – tayanch doktorantura: genetika sohasida ilmiy tadiqiqot olib boradi va falsafa doktori dissertatsiyasini himoya qiladi hamda PhD ilmiy darjasini oladi. Ilmiy darajani olgan mutaxasislar oliy talim muassasalarida genetika fanlari bo‘yicha o‘quv mashg‘ulotlarini olib borishi hamda ushbu ixtisoslik bo‘yicha ilmiy-tadqiqot ishlari bilan shug’ullanishi mumkin.

D03.00.07-O‘simliklar fiziologiyasi va biokimyosi – tayanch doktorantura: o‘simliklar fiziologiyasi va biokimyosi sohasida ilmiy tadiqiqot olib boradi va falsafa doktori dissertatsiyasini himoya qiladi hamda PhD ilmiy darajasini oladi. Ilmiy darajani olgan mutaxasislar oliy talim muassasalarida o‘simliklar fiziologiyasi va biokimyosi fanlari bo‘yicha o‘quv mashg‘ulotlarini olib borishi hamda ushbu ixtisoslik bo‘yicha ilmiy-tadqiqot ishlari bilan shug‘ullanishi mumkin.

Kafedrada qo'yidagi fanlar o'qitiladi:

• Bakalavr talabalari uchun:  Sitologiya, gistologiya va embriologiya, Genetika va seleksiya asoslari, Genetika va genomika asoslari, Genomika va bioinformatika, Biologiya o'qitish metodikasi, Biologiyada innovatsion ta'lim texnologiyalari, Evolyusion biologiya. 

• Magistratura talabalari uchun: Organik olam rivojlanishi va antropologiya, Odam genetikasi, Maxsus fanlarni o'ditish metodikasi, Biogeografiya. 

Kafedra qo‘shida “O'simliklar genetikasi va biotexnologiyasi” ilmiy tadqiqot markazi mavjud bo‘lib, biologiyaning quyidagi yo‘nalishlari bo'yicha taqdiqotlar olib boradi:

1. G‘o‘za navlarining genomik seleksiyasi va transgenik modifikatsiyasi orqali yangi genotiplarni sintez qilish asoslarini yaratish hamda agroekologik moslashuvchanligni ta’minlash;

2. Xorijiy no‘xat genofondining mahalliy navlar bilan interspesifik duragaylash va metagenomik tahlili asosida irsiy diversifikatsiyalangan donor liniyalarini olish usullarini asoslash; 

3. Oddiy loviya genetik resurslarining mahalliy moslashuvchan navlar bilan somatik duragaylash va proteomik profilizatsiya asosida genetik jihatdan diversifikatsiyalangan inbred tizmalarini shakllantirish asoslarini yaratish; 

4. Zig‘ir va kunjut nav namunalarining molekulyar markerlar orqali filogenetik tahlili va biotexnologik modifikatsiyasi asosida yangi genetik variantlarni ishlab chiqish;

5. Bug‘doy genofondining evolyutsion dinamikasi va bioxilma-xillikning metagenomik monitoringi asosida seleksion tadqiqotlar uchun innovatsion genetik manbalarni aniqlash va tadqiqotlarga jalb qilish;

6. Evolyutsiya jarayonida shakllangan bioxilma-xillikning ilmiy semantikasini ontogenetik va filogenetik modellar orqali tahlil qilish hamda genetik-seleksion tadqiqotlar uchun epigenetik bazadagi yangi resurslarni generatsiya qilish;

7. O‘zbekiston hududida tarqalgan, xalq xo‘jaligida azaldan foydalanib kelinadigan turli dorivor o‘simliklarning farmokologik xususiyatlarini baholashda ularning biokimyoviy tarkibi bilan genetik xususiyatlarini korrelyatsion bog‘liqligini tahlil qilish; 

8. Hayvonlarning jins genetikasi bo‘yicha turli genetik tahlillarni amalga oshirish va ularni turli stress sharoitiga moslashuvchanligi monitoringini o’tkazish;

Xalqaro hamkorlik va akademik almashinuv dasturlari

• Xalqaro hamkor universitetlar (Erasmus+, DAAD, Fulbright, Tempus va boshqa almashinuv dasturlari).

Kafedra hamkorlikda loyihalar tayyorlash, ilmiy stajirovkalar va o‘quv amaliyotlarni tashkil etish maqsadida bir qator Yevropa va MDH mamlakatlarining universitetlari bilan Xalqaro hamkorlik aloqalarini o‘rnatgan. 

• Muxtor Avezov nomidagi Janubiy Qozog‘iston davlat universiteti (Qozog‘iston);

• SIIRT universiteti (Turkiya);

• Al Farobiy nomidagi Qozog‘iston Miliiy universiteti (Qozig‘iston).

• Talabalar va o‘qituvchilar uchun xalqaro konferensiyalar.