GIP: ChDPU va Haydelberg Pedagogika oliygohi hamkorligida yangi imoniyatlar
Chirchiq davlat pedagogika universiteti (ChDPU) va Pädagogische Hochschule Heidelberg (PH Heidelberg) o‘rtasidagi hamkorlik Germanistische Institutspartnerschaften (GIP) loyihasi doirasida 2023–2025-yillarda amalga oshirilidi. Loyiha maqsadlari markazida — zamon talablariga javob beruvchi o‘qituvchilarni tayyorlash, ilmiy hamkorlik va ko‘p tillilik (Mehrsprachigkeit) bo‘yicha zamonaviy yondashuvlarni O‘zbekiston sharoitiga tatbiq etish turadi.
GIP loyihasi nima?
Germanistische Institutspartnerschaften (GIP) — germanistika bo‘yicha oliy ta’lim muassasalari o‘rtasida barqaror hamkorlikni yo‘lga qo‘yadigan xalqaro dastur bo‘lib, maqsadlari quyidagilardan iborat:
- o‘quv rejalari va metodikani yangilash, ko‘p tillilik va erta til o‘rganish (DaZ/DaF) bo‘yicha kompetensiyalarni kuchaytirish;
- hamkor universitetlar talabalari va professor-o‘qituvchilari uchun onlayn seminarlar va workshoplar orqali doimiy malaka oshirish;
- ilmiy-tadqiqot hamkorligini rivojlantirish, qo‘shma ilmiy chiqishlar va taqdimotlarni yo‘lga qo‘yish;
- akademik mobillikni qo‘llab-quvvatlash va xalqaro hamkorlik tarmog‘ini kengaytirish.
2023–2025: asosiy yo‘nalishlar va faoliyatlar
1) Onlayn seminarlar va workshoplar
GIP doirasida barcha hamkor universitetlarning talabalari va professor-o‘qituvchilari muntazam onlayn seminar va workshoplarda ishtirok etib, o‘z bilim va ko‘nikmalarini oshirib bordilar. Mazkur uchrashuvlar tajriba almashish, metodik yangiliklarni muhokama qilish va tarmoqni mustahkamlashga xizmat qildi.
2) ChDPU talabalari uchun semestrlik akademik mobillik (Heidelberg)
ChDPU talabalari bir semestr davomida Haydelberg Pedagogika oliygohida akademik mobillik dasturi asosida tahsil oldilar. Bu tajriba ularga ko‘p tillilik va erta nemis tili o‘qitish bo‘yicha ilg‘or yondashuvlarni bevosita kuzatish va o‘zlashtirish imkonini berdi.
3) Yakunlovchi anjumanda offline ishtirok
2025-yil 23–25-oktabr kunlari PH Haydelbergda o‘tkazilgan yakunlovchi GIP anjumanida ChDPU talabalari oflayn ishtirok etib, poster va taqdimotlar orqali o‘z ishlarini namoyish etdilar. Anjuman ko‘p tillilik va erta til o‘rganish bo‘yicha zamonaviy tadqiqotlar almashinuvi uchun ochiq platforma bo‘ldi.
Natijalar va istiqbollar
- hamkor universitetlar o‘rtasida muntazam muloqot va metodik hamkorlik yo‘lga qo‘yildi;
- talabalarning xalqaro ta’lim muhitida ishtiroki (semestrlik mobillik va konferensiya) ta’minlandi;
- ko‘p tillilik, lug‘at o‘zlashtirish (Wortschatzerwerb) va erta nemis tili o‘rganish masalalarida qo‘shma tadqiqotlar kengaydi;
- keyingi bosqichda qo‘shma maqolalar, o‘quv materiallari va co-teaching tajribalarini tizimli davom ettirish rejalashtirilmoqda.
Xulosa
GIP — bu qisqa muddatli loyihadan ko‘ra ko‘proq, ya’ni uzoq muddatli ilmiy va ta’limiy sheriklik modeli. PH Haydelberg bilan hamkorlik ChDPUda germanistika, ko‘p tillilik va erta til o‘qitish sohalarida yangi standartlarni shakllantirmoqda. Ushbu tajriba kelgusida “Kelajak o‘qituvchisi” konsepsiyasini yanada amaliyroq shaklda ro‘yobga chiqarishga xizmat qiladi.
