Hazratqulova Ezoza Ismat qizi 1997-yil 28-yanvarda Samarqand viloyati Urgut tumanida tug‘ilgan. 2023-yilda Toshkent viloyati Chirchiq davlat pedagogika universitetining “Xorijiy til va adabiyoti (ingliz tili)” yo‘nalishini tamomlagan. Hozirda u ushbu universitetning Turizm fakulteti Ingliz tili nazariyasi va amaliyoti kafedrasi o‘qituvchisi hamda tayanch doktorantura bosqichi tadqiqotchisi sifatida ilmiy va pedagogik faoliyat yuritmoqda.
Hazratqulova Ezoza ilmiy izlanishlarini “Bo‘lajak mutaxassislar (psixologiya talabalari misolida)da psixolingvistika asosida ingliz tilini o‘qitish metodikasi” mavzusi doirasida olib bormoqda. Ushbu dissertatsion ish zamonaviy psixolingvistik yondashuvlar asosida xorijiy tilni o‘qitish samaradorligini oshirishga qaratilgan bo‘lib, talabalarning til kompetensiyasini chuqurlashtirishda innovatsion metodik yechimlarni ilgari suradi.
Uning mehnat faoliyati bosqichlari quyidagicha:
2013–2016 yillarda Samarqand davlat iqtisodiyot-servis instituti qoshidagi 1-son akademik litseyda tahsil olgan.
2016–2020 yillarda Samarqand davlat chet tillari instituti Roman-german tillar fakultetida bakalavriat bosqichini tugatgan.
2020–2021 yillarda Chirchiq shahar 25-maktabda ingliz tili o‘qituvchisi sifatida faoliyat yuritgan.
2021–2023 yillarda Chirchiq shahar 12-maktabda hamda bir vaqtning o‘zida Chirchiq davlat pedagogika universitetida magistrant sifatida ilmiy izlanishlar olib borgan.
2023-yildan buyon Chirchiq davlat pedagogika universoteti o'qituvchisi sifatida faoliyat yuritmoqda.
U ingliz, rus, tojik va fransuz tillarini yaxshi biladi, bu esa uning xorijiy til o‘qituvchisi sifatidagi malakasini mustahkamlaydi. Hazratqulova Ezoza ilmiy unvon va darajaga hali ega bo‘lmasa-da, hozirda tayanch doktorant sifatida ilmiy izlanishlar olib bormoqda, bu esa uning kelajakdagi ilmiy salohiyati yuqoriligidan dalolat beradi. Bugungi kunda ilmiy faoliyati yuzasidan 10ga yaqin xorijiy va mahalliy OAK tasarrufidagi maqolalar va 10ga yaqin tezislar muallifi hisoblanadi va Ustoz-shogird ishlari talabalar bilan birgalikda yozilgan maqola va tezislar 60ga yaqin chop ettirildi.
