Indoneziyada talabalari uchun Yozgi maktab tashkil etiladi

     Chirchiq davlat pedagogika universitetiga Indoneziya pedagogika universiteti Tadqiqot, jamoatchilik va hamkorlik bo‘yicha prorektori Agus Setiabudi hamda Xalqaro hamkorlik bo‘limi boshlig‘i Eri Kurniawan tashrif buyurdi.
     Uchrashuv davomida tomonlar qo‘shma ta’lim dasturlarini yo‘lga qo‘yish, talaba va professor-o‘qituvchilar almashinuvini kengaytirish, ikki universitetda yozgi va qishki maktablarni tashkil etish, shuningdek hamkorlikda ilmiy tadqiqotlar olib borib, ularning natijalarini Scopus bazasida indekslanadigan jurnallarda chop etish masalalarini muhokama qildilar.
    Tashrif yakunida qo‘shma ta’lim dasturi bo‘yicha shartnoma imzolandi. Shuningdek, yaqin vaqt ichida ilmiy tadqiqotlar va akademik mobillik bo‘yicha yana ikki hamkorlik shartnomasini imzolash bo‘yicha kelishuvga erishildi.

Universitet Axborot xizmati