Inklyuziv ta'lim uchun strategik maqsadlar: muloqot, tajriba va natijalar tahlili

     Chirchiq davlat pedagogika universiteti Maxsus pedagogika kafedrasi tomonidan “Inklyuziv ta’lim: dialog, tahlil va tajriba” mavzusida respublika miqyosidagi ilmiy-amaliy konferensiya muvaffaqiyatli tashkil etildi.

     Mazkur konferensiyada maxsus pedagogika yo‘nalishi bo‘yicha bakalavriat talabalari, magistrantlar, doktorantlar, yosh olimlar, tajribali ilmiy tadqiqotchilar, professor-o‘qituvchilar, fan doktorlari va fan nomzodlari faol ishtirok etdilar. Ishtirokchilar inklyuziv ta’limning dolzarb masalalariga bag‘ishlangan ilmiy tezis va ma’ruzalari bilan qatnashib, o‘zaro ilmiy tajriba almashdilar.

     Konferensiyaning xalqaro ahamiyatini oshirgan jihatlardan biri xorijiy mutaxassislarning ishtiroki bo‘ldi. Jumladan, Qozog‘iston Respublikasining Abay nomli milliy universitetining yetakchi oliy ta’lim muassasalaridan tashrif buyurgan professorlar hamda ilmiy xodimlar o‘z ma’ruzalari bilan qatnashdilar.

     Shuningdek, Zoom platformasi orqali Indoneziyaning Nigeri Namangan nomli universitetining nufuzli professor va mutaxassislar onlayn tarzda oʻzlarining ilmiy tezislarini taqdim etdilar.

     Konferensiya davomida inklyuziv ta’lim tizimida mavjud muammolar chuqur tahlil qilinib, ularning ilmiy asoslangan yechimlari, shuningdek, O‘zbekiston sharoitida inklyuziv ta’limni rivojlantirishning istiqbolli yo‘nalishlari muhokama qilindi. Bildirilgan taklif va mulohazalar amaliyotga yo‘naltirilganligi bilan ajralib turdi.

     Tadbirda O‘zbekistondagi inklyuziv ta’lim joriy etilgan umumta’lim maktablari hamda maktabgacha ta’lim tashkilotlari pedagoglarining ishtiroki konferensiyaning amaliy ahamiyatini yanada oshirdi. Ular konferensiya natijalarini yuqori baholab, bunday ilmiy muloqotlar sohaga katta turtki berishini ta’kidladilar.

     Konferensiya yakunida ishtirokchilar tomonidan kelgusida inklyuziv ta’lim masalalariga bag‘ishlangan ilmiy-amaliy konferensiyalarni muntazam ravishda tashkil etish zarurligi alohida qayd etildi. Maxsus pedagogika kafedrasi ushbu tashabbusni qo‘llab-quvvatlab, mazkur anjumanlarni har yili an’anaviy tarzda o‘tkazib borishni rejalashtirayotganini ma’lum qildi.

     Mazkur konferensiya yuqori ilmiy saviya, samarali muloqot va boy amaliy tajriba almashinuvi bilan ahamiyatli bo‘ldi. Konferensiya oxirida barcha ishtirokchilar esdalik sovgʻalari hamda rektor nomidan tashakkurnoma bilan taqdirlandilar.

 Universitet Axborot xizmati