Ismoilov Azamat Arslanboyevich
Xalqaro o‘qituvchi tayyorlash va qo‘shimcha mutaxassislik berish tizimi bosh mutaxassisi
Ismoilov Azamat Arslanboyevich 1984 yil Samarqand viloyati Payariq tumanida tavallud topgan. 2001 yilda Samarqand qishloq xo'jaligi litseyini, 2005 yilda SamDU amaliy matematika va informatika yo'nalishini, 2007 yilda TATU magistraturasini, 2010 yilda TATU aspiranturasini tamomlagan. Oilali 2 nafar farzandi bor. 2006 yilda “O'zbekiston Respublikasi mustaqilligiga 15-yil” estalik ko'krak nishoni bilan taqdirlangan. 2006 yilda “Vatan taraqqiyotiga mening hissam” shiori ostida o'tkazilgan tanlov g'olibi hisoblanadi.
Talabalar uchun qo‘shimcha mutaxassislikni egallash imkoniyatlari
Hozirgi kunda zamonaviy mehnat bozori mutaxassislardan nafaqat asosiy yo‘nalish bo‘yicha, balki qo‘shimcha bilim va ko‘nikmalarga ega bo‘lishni ham talab etmoqda. Shu bois universitetimizda talabalar uchun qo‘shimcha mutaxassislik dasturlari tashkil etilgan.
Qo‘shimcha mutaxassislik — bu talabalarning asosiy ta’lim yo‘nalishidan tashqari ravishda yangi kasbiy bilim va amaliy ko‘nikmalarni egallash imkoniyatidir. Ushbu dasturlar bakalavriat va magistratura bosqichida tahsil olayotgan talabalar uchun mo‘ljallangan bo‘lib, ta’lim jarayoni tasdiqlangan o‘quv rejalari asosida amalga oshirilib kelinmoqda.
Dars mashg‘ulotlari malakali professor-o‘qituvchilar tomonidan oflayn va onlayn shakllarda tashkil etilgan. Ta’lim jarayoni davomida nazariy bilimlar bilan bir qatorda amaliy mashg‘ulotlarga ham alohida e’tibor qaratilgan. Dasturning davomiyligi belgilangan o‘quv rejaga muvofiq amalga oshiriladi.
Qo‘shimcha mutaxassislik dasturini muvaffaqiyatli tamomlagan talabalarga belgilangan namunadagi sertifikat yoki diplom taqdim etiladi. Ushbu hujjat talabalarning mehnat bozorida raqobatbardoshligini oshirishga xizmat qiladi.
Qo‘shimcha mutaxassislikni egallash talabalarning kasbiy salohiyatini rivojlantirish, ish bilan ta’minlanish imkoniyatlarini kengaytirish hamda kelajakda muvaffaqiyatli mehnat faoliyatini olib borish uchun muhim ahamiyat kasb etadi.
DIQQAT!!! MUHIM!!!
Hurmatli talabalar 10 aprelga chetlashtirish buyrug'ini chiqaramiz. Ungacha shartnoma shartlarini bajarishingizni so'raymiz.
MALAKA OSHIRISH TO'G'RISIDA!!!
O‘zbekiston Respublikasi Prezidentining “Maktabgacha va maktab ta’limi tashkilotlari xodimlarini uzluksiz kasbiy rivojlantirish tizimini tashkillashtirish bo‘yicha qo‘shimcha chora-tadbirlari to‘g‘risida” 2024-yil 21-iyundagi 231-son hamda “Kasbiy ta’lim tizimida islohotlarni amalga oshirish chora-tadbirlari to‘g‘risida” 2025-yil 23-oktabrdagi PQ-316-son qarorlari ijrosini ta’minlash va bu borada O‘zbekiston Respublikasi Maktabgacha va maktab ta’limi vazirining 2025-yil 5-dekabrdagi “Maktabgacha va maktab ta’limi tashkilotlari xodimlarini 2026-yil malaka oshirish kurslarida o‘qitish rejasini tasdiqlash to‘g‘risida”gi 456-son buyrug‘i ijrosi yuzasidan Toshkent viloyati maktabgacha va maktab ta’limi boshqarmasi, Toshkent viloyati pedagogik mahorat markazi, Chirchiq davlat pedagogika universiteti hamda maktabgacha ta’lim tashkilotlari malakasini oshirish institutining qo‘shma buyrug‘i ijrosini ta’minlash maqsadida Chirchiq davlat pedagogika universitetida 2026 yil fevralidan boshlab malaka oshirish kurslari tashkil etilib kelinmoqda.