Jismoniy va yuridik shaxslarning murojaatlari bilan ishlash, nazorat va monitoring bo‘limi Chirchiq davlat pedagogika universitetining tarkibiy bo‘linmasi hisoblanadi va o‘z faoliyati yuzasidan bevosita Rektorga hisobot beradi. Bo‘lim universitetga yuklatilgan davlat topshiriqlari va huquqiy hujjatlarning o‘z vaqtida va sifatli bajarilishini nazorat qiladi, shuningdek, jismoniy va yuridik shaxslarning murojaatlarini ko‘rib chiqish jarayonini tizimli ravishda boshqaradi.

Bo‘lim O‘zbekiston Respublikasi Konstitutsiyasi, Prezident farmonlari, Vazirlar Mahkamasi qarorlari, qonunlar va boshqa normativ-huquqiy hujjatlarga amal qiladi. Uning asosiy vazifalari quyidagilardan iborat:

• Universitetga yuklatilgan topshiriqlar va qonunchilik hujjatlarining ijrosini doimiy nazorat qilish;

• Universitet rektori buyruqlarining barcha bo‘linmalar tomonidan bajarilishini ta’minlash;

• Jismoniy va yuridik shaxslarning murojaatlarini belgilangan tartibda va muddatlarda qabul qilish, ro‘yxatdan o‘tkazish va nazorat qilish;

• Ijro intizomi va murojaatlar bo‘yicha tahliliy materiallar tayyorlash va rektor hamda universitet Kengashiga taqdim etish;

• Sayyor qabullarni tashkil etish va murojaatlar asosida zarur choralar ko‘rishni muvofiqlashtirish;

• “Ijro.gov.uz” elektron tizimi orqali topshiriqlarning bajarilishini monitoring qilish va hisobotlar tayyorlash.

Bo‘lim universitet faoliyatining ochiqligi, qonunchilikka rioya qilish va fuqarolar murojaatlarini e’tibordan chetda qoldirmaslik tamoyillariga asoslanadi. Jismoniy va yuridik shaxslardan kelib tushgan ariza, shikoyat va takliflar tahlil qilinadi va tegishli choralar ko‘riladi.