“Kelajak o‘qituvchisi” modelida raqamli texnologiyalarning o‘rni (tarix fani misolida)
QR kod:
Yuklab olishlar
Bugungi globallashuv va raqamli transformatsiya sharoitida ta’lim tizimi oldiga qo‘yilayotgan talablar tubdan o‘zgarmoqda. Xususan, pedagog kadrlarni tayyorlash jarayonida an’anaviy bilim berish yondashuvidan zamonaviy, kompetensiyaga asoslangan hamda raqamli texnologiyalar bilan uyg‘unlashgan ta’lim modeliga o‘tish zarurati kuchaymoqda. Bu jarayonda “Kelajak o‘qituvchisi” modeli ta’lim sifatini oshirish, pedagogning kasbiy salohiyati va raqobatbardoshligini ta’minlashga xizmat qiluvchi muhim konseptual asos sifatida namoyon bo‘lmoqda.
Tarix fani o‘zining mazmunan murakkabligi, manbalar xilma-xilligi hamda tahliliy yondashuvni talab etishi bilan boshqa fanlardan ajralib turadi. Shu bois tarix fani o‘qituvchisi nafaqat chuqur nazariy bilimga, balki raqamli texnologiyalar yordamida tarixiy jarayonlarni vizuallashtirish, solishtirish va talqin qilish ko‘nikmalariga ham ega bo‘lishi lozim. Raqamli xaritalar, virtual muzeylar, elektron arxivlar, interaktiv taqdimotlar va onlayn ta’lim platformalari tarix ta’limining samaradorligini oshirishda muhim vosita sifatida qaralmoqda.
