"Kiberxavfsizlik va uning salbiy oqibatlari"ga bag‘ishlangan davra suhbati o‘tkazildi

     Maktabgacha va boshlangich ta'lim fakulteti talabalari o‘rtasida kibertahdilardan himoyalagish hamda internet tarmog‘idagi firibgarlik holatlarini oldini olish maqsadida Ichki Ishlar vazirligi Akademiyasi magistraturasi tinglovchisi mayor Elbek Bayrbekov ishtirokida davra suhbati o‘tkazildi.

     Tadbir davomida, ma’ruzachi tomonidan bugungi kunda internet tarmog‘ida keng ommalashib borayotgan hamda hozirgi kundagi global muammolardan biriga aylangan kiberjinoyatchilik va uning natijasida sodir etilayotgan huquqbuzarliklar, shu bilan bir qatorda ta’lim va ta’limdan tashqari vaqtlarda internet tarmog‘idan foydalanish madaniyati va kibertahdidlardan himoyalanish bo‘yicha zarur ma’lumotlar berib o‘tdi.

     Chirchiq shahar hududida internet tarmog‘ida sodir etilayotgan huquqbuzarliklar, ularning huquqiy oqibatlari, kiberjinoyatlar turlari va ularni oldini olish usullari haqida aholini xabardor qilib borish, har bir fuqaro o‘zini firibgarlardan himoya qila olishi mumkin ekanligini takidlab ushbu holatlarni olishning usul va uslublarini talabalarga tushuntirib berdi.

     Ma’ruzachi telefon orqali o‘zini turli lavozimlardagi mansabdor shaxs – markaziy bankning xavfsizlik bo‘limi boshlig‘i, xududiy IIO boshlig‘i, tergovchi, turli xil vazirlik idoralarning mas’ul xodimi va shu kabi personajlar bilan suhbatda e’tiborli bo‘lishga chaqirdi.

     Universitet profilaktika inspektori, kapitan Jasur Atadjanov kibertahdidlarning oldini olish va qarshi kurashishda zamonaviy usullar yo‘nalishida talabalarning qiziqtirgan savollariga javob berdi.

Universitet Axborot xizmati