Kimyo sohasidagi yetakchi ilmiy-tadqiqot instituti bilan hamkorlik o‘rnatildi

     Zelinskiy nomidagi Organik kimyo instituti (Rossiya Federatsiyasi) vakillari amaliy tashrif bilan Chirchiq davlat pedagogika universitetida bo‘lib turibdi.      

     Tashrifning pirovard maqsadi CHDPU ilmiy muhiti bilan tanishish, kimyo va unga tutash ilmiy yo‘nalishlarda tajriba almashish, qo‘shma ilmiy tadqiqotlar istiqbollarini muhokama qilishga qaratilgan.
     Delegatsiya tarkibida:
• Greysh Aleksandr Avraamovich – kimyo fanlari doktori, professor
• Sokolovskiy Pavel Viktorovich – texnika fanlari nomzodi, katta ilmiy xodim
     Tashrif Tabiiy fanlar fakultetida tashkil etilgan innovatsion park bo‘ylab ekskursiya bilan boshlandi. Mehmonlar universitet tarixi, uning ma’naviy va moddiy qadriyatlari bilan yaqindan tanishdilar.
     Tashrifning ishchi qismida Kompozitsion materiallar va interpolimer komplekslar laboratoriyasi va Kimyo tajriba-sinov markazida universitet magistrlari bilan kimyoviy tahlilarni o‘tkazdi. Tashrif seminar bilan davom etdi. Seminar hulosalariga ko‘ra Zelinskiy nomidagi Organik kimyo instituti va Kimyo kafedrasi o‘rtasida ilmiy hamkorlik va tajriba almashishning istiqbolli yo‘nalishlari belgilab olindi.
     Tashrif yakunlari bo‘yicha quyidagi natijalarga erishildi:
• CHDPU va N.D. Zelinskiy nomidagi Organik kimyo instituti RAN o‘rtasida to‘g‘ridan-to‘g‘ri ilmiy aloqalar o‘rnatildi
• Qo‘shma ilmiy tadqiqotlarning istiqbolli yo‘nalishlari aniqlandi
• Akademik almashinuv bo‘yicha rejalar belgilandi
• Tomonlar uzoq muddatli hamkorlikka qiziqish bildirdilar
     Kimyo sohasidagi yetakchi ilmiy-tadqiqot instituti olimlari o‘tkazilgan ilmiy tadbirlar hamkorlikni mustahkamlashga xizmat qildi hamda qo‘shma ilmiy-ta’lim faoliyatini rivojlantirish uchun yangi istiqbollarni ochib berdi.

Universitet Axborot xizmati