Zamonaviy gumanitar ta’lim chuqur transformatsiya jarayonini boshdan kechirmoqda. Raqamlashtirish, sun’iy intellekt, yangi metodik modellar va fanlararo yondashuvlar an’anaviy ta’lim shakllarini shunchaki to‘ldiribgina qolmay, balki yangi ta’limiy voqelikni shakllantirmoqda.

Mazkur sharoitda konferentsiya ilmiy muloqot, ilmiy g‘oyalar va pedagogik tajriba almashinuvi, shuningdek umumiy va oliy ta’lim tizimida rus tili va adabiyotini o‘qitishning dolzarb tendensiyalarini anglash uchun professional maydon vazifasini bajaradi.

Konferentsiyaning asosiy maqsadi — ta’limning raqamli transformatsiyasi sharoitida rus tili va adabiyotini o‘qitishga oid zamonaviy metodik, lingvistik va adabiyotshunoslik yondashuvlarini muhokama qilish, shuningdek sun’iy intellekt texnologiyalarining ta’limiy va ilmiy faoliyatdagi salohiyatini tahlil etishdan iborat.

Konferentsiyaning tematik yo‘nalishlari

Konferentsiya quyidagi asosiy yo‘nalishlarni qamrab oladi:

1. Umumiy va oliy ta’lim tizimida rus tili va adabiyotini o‘qitishning innovatsion metodikalari;

2. Gumanitar ta’limda sun’iy intellekt va raqamlashtirish;

3. Rus tili va adabiyotini o‘qitishda sun’iy intellekt vositalaridan foydalanish: amaliy tajriba va rivojlanish istiqbollari;

4. Til, adabiyot va ta’lim texnologiyalarini o‘rganishda fanlararo yondashuvlar; 

5. Ijodiy laboratoriya: pedagogik ustaxonalar, namunaviy darslar va mualliflik ta’lim amaliyotlari.

Konferentsiyaning o‘ziga xos jihati

Konferentsiyaning muhim va o‘ziga xos jihati — Ijodiy laboratoriya faoliyati bo‘lib, u ilg‘or pedagogik tajribalarni namoyish etishga yo‘naltirilgan.

Ijodiy laboratoriya doirasida quyidagilar taqdim etiladi:

1. Namunaviy (ochiq) darslar;

2. Yetakchi oliy ta’lim muassasalari professor-o‘qituvchilari va maktab o‘qituvchilari tomonidan o‘tkaziladigan master-klasslar;

3. Mualliflik metodikalari va ta’limiy keyslar;

4. Professional muloqotning interaktiv shakllari.