Korrupsiyaga qarshi kurashish “Komplaens nazorat” bo‘limi universitetda korrupsiyani oldini olish, aniqlash va unga qarshi kurashish bo‘yicha kompleks faoliyat olib boradi. Bo‘lim quyidagi asosiy yo‘nalishlarda ish yuritadi:

• OTMda korrupsiyaga qarshi qonunchilik va vazirlik ko‘rsatmalariga rioya etilishini nazorat qilish;

• “Korrupsiyasiz soha” loyihasini amalga oshirish;

• Ichki hujjatlardagi korrupsiyaviy me’yorlarni aniqlab, ularni bartaraf etish bo‘yicha takliflar ishlab chiqish;

• Korrupsiyaviy xavf-xatarlarni baholash va ularni kamaytirishga doir chora-tadbirlar ishlab chiqish;

• Fuqarolardan va xodimlardan kelib tushgan shikoyat va anonim xabarlarni o‘rganib chiqish, choralar ko‘rish;

• Universitetda davlat xaridlari va manfaatlar to‘qnashuvi yuzasidan monitoring olib borish;

• Korrupsiyaga qarshi profilaktik suhbatlar, tadqiqotlar va tadbirlar tashkil qilish;

• Professor-o‘qituvchilar, talabalar, doktorantlar va keng jamoatchilik o‘rtasida so‘rovlar o‘tkazish orqali korrupsiyaviy holatlarni aniqlash;

• Korrupsiyaga oid xizmat tekshiruvlarini yuritish va natijalarini rahbariyat hamda vazirlikka yetkazish;

• Veb-saytdagi maxsus bo‘limda ma’lumotlarni yangilab borish, ijtimoiy tarmoqlarda axborot tarqatish.

Bo‘lim, shuningdek, ota-onalar, davlat organlari va boshqa tashkilotlar bilan hamkorlikni yo‘lga qo‘ygan. Akademik litseylar faoliyati ham muntazam nazorat ostida olib boriladi.

Hurmatli talabalar va xodimlar! Agar siz korrupsion holatlarni sezsangiz yoki guvohi bo‘lsangiz, rasmiy @cspucorrup_bot ga murojaat qiling — har bir murojaat albatta ko‘rib chiqiladi va tegishli choralar ko‘riladi.