BO‘LAJAK PEDAGOGLARNING MUSTAQIL FAOLIYATIDA HUQUQIY FANLARINING AHAMIYATI
BO‘LAJAK PEDAGOGLARNING MUSTAQIL FAOLIYATIDA HUQUQIY FANLARINING AHAMIYATI
Muallif:Ikramov Farhod Aktamovich
Yil:2025
Tavsif:Jahonning bir mamlakatida ro‘y berayotgan ijtimoiy-iqtisodiy larzalarning muqarrar ravishda boshqa mamlakatlarga ham o‘z ta’sirini o‘tkazishi bo‘lajak pedagoglarning mustaqil faoliyatida xuquqiy fanlarni o‘rganishning ahamiyati katta ekanligini ko‘rsatadi.
Bo‘lajak pedagoglarning mustaqil faoliyati o‘quv auditoriyasidagi mashg‘ulotlarni to‘ldiradi va rivojlantiradi. Mustaqil ta’lim - olingan bilim, ko‘nikma va malakalarni mustahkamlash, qo‘shimcha ma’lumot yoki materialni mustaqil o‘rganish maqsadidagi o‘quv shaklidir.
Bo‘lajak pedagoglarning mustaqil faoliyatida huquqiy fanlarni bilish umumiy ilmiy bilimlarning bir qismini tashkil etadi. Huquqiy fanlar nafaqat huquqiy bilimlar tizimini, balki yuridik amaliyot sohasini ham anglatadi. Yuksak darajadagi huquqiy madaniyatga erishishning yagona yo‘li – huquqiy ta’lim va huquqiy tarbiyani isloh qilish va rivojlantirishdir. Chunki huquqiy savodxonlik huquqiy madaniyat asosidir.
Aynan bilimlarni mustaqil egallash jarayonida shaxsning mustaqilligi shakllanadi, bu murakkab vazifalar va muammoli vaziyatlarni hal qilishda amalga oshiriladi va shaxsning ichki o‘zini o‘zi boshqarish tizimining mexanizmlarini rivojlantirish, shu jumladan bilish va aqliy faoliyat natijasi hisoblanadi. Mustaqillik o‘z oldiga vazifa qo‘yish, samarali mehnat qilish, yangi vaziyatlarda tashabbus ko‘rsatishda o‘z ifodasini topadi. Bilish jarayoni nuqtai nazaridan: diqqatni boshqarish, mustaqillik, mantiqiy dalillar va qaror qabul qilish uchun zarur faoliyat usullarini tanlashda o‘z aksini topadi, o‘z-o‘zini baholash obyektivligi “mustaqil bilish” tushunchasiga kiritiladi.
Bo‘lajak pedagoglarning mustaqil faoliyatida huquqiy fanlar bo‘yicha bilimlarni shakllantirishda ularning kitob bilan mustaqil ishlashi alohida ahamiyatga ega. Maqolada bo‘lajak pedagoglarning mustaqil faoliyatida huquqiy fanlarining ahamiyati yoritib berilgan.
