Funksional analizdan misol va masalalar
QR kod:
Yuklab olishlar (5)
Funksional analiz fani XX asrning boshlarida matematik analiz, algebra, geometriya fanlaridagi tushuncha va metodlarni umumlashtirish natijasida paydo bo‘lib, hozirgi zamon matematikasining eng ahamiyatli bo‘limlarining biri hisoblanadi. Bu fanning paydo bo‘lishi va rivojlanishi dunyoga taniqli olimlar bo‘lgan D. Hilbert, F. Riss, S. Banax, M. Freshe, A.N. Kolmogorov, S.L. Sobolev, A.N. Tixonov, S.M. Nikolskiy kabilarning nomlari bilan bog‘liq. Funksional analiz nazariyasi metodlaridan matematikaning xohlagan yo‘nalishini o‘rganishda foydalanish mumkin. Shu sababli, taklif etilayotgan o‘quv qo‘llanmaning zamonaviy matematikani chuqur o‘rganmoqchi bo‘lgan universitetlar, pedagogika institutlari talabalariga hamda matematika faniga qiziquvchi boshqa o‘quvchilarga ham foydasi katta deb o‘ylaymiz. Funksional analiz fani bo‘yicha rus, ingliz va boshqa tillarda juda yaxshi yozilgan adabiyotlar ko‘p. O‘quvchilarga o‘zbek tilida taqdim etilayotgan bu o‘quv qo‘llanma oliy o‘quv yurtlari ”Matematika” va ”Amaliy matematika va informatika” ta’lim yo‘nalishlari uchun funksional analiz fani bo‘yicha o‘quv dasturiga mos yozildi
