Madaniy geografiya
QR kod:
Yuklab olishlar
Keyingi yillarda mustaqil respublikamizda an'anaviy iqtisodiy geografiyaning sotsiallashuvi va uning keng ma'nodagi sotsial geografiyaga aylanib borish jarayoni sodir bo'lmoqda-ki, bu albatta ijobiy holatdir. Imiy tadqiqotlarning bosh mavzusi sifatida ko'proq ilgarilari, sanoat, qishloq xo'jaligi, transport va boshqa masalalari yotgan bo'lsa, bugungi kunga kelib, aholi va u bilan bevosita bog'liq bo'lgan jihatlarni o'rganishga, ayniqsa, turmush tarzi, urf-odatlari, dini, xulq-atvori bilan bog'liq jihatlarni o'rganishga qiziqish ortib bormoqda. Madaniy geografiya aholini yashash tarzi va sharoiti, dini, urf-odati, milliy qadriyatlari, dam olishi, davolanishi kabi ko'pgina sotsial hodisa va voqealarning hududiy tomonlari va xususiyatlari to'g'risida ma'lumot beradi. Demak, madaniy geografiya aholining ijtimoiy va tabiiy muhit bilan aloqasini o'rganadi. Aytish lozimki, fanlar orasida madaniy geografiya fani muhim ahamiyat kasb etadi. Geograf mutaxassislar tayyorlashda "Madaniy geografiya" o'quv kursi muhim ahamiyat kasb etadi.
