Maktabgacha ta'limni tashkil etish va rahbarning o'rni
QR kod:
Yuklab olishlar (14)
Maktabgacha ta'lim sohasi uzluksiz ta'lim tizimining birinchi bo'g'ini hisoblanib, u har tomonlama sog'lom va barkamol bola shaxsini tarbiyalash va maktabga tayyorlashda muhim ahamiyat kasb etadi. Bugungi kunda davlatimiz tomonidan maktabgacha ta'limning rivojlantirishga katta e'tibor berilmoqda. Qisqa davr ichida sohani rivojlantirishning huquqiy bazasi yaratildi. Ushbu darslik mazmunida tashkilot rahbarining vazifalari, faoliyatini tizimli boshqarish, ta'lim-tarbiya jarayonini tashkil etish vazifalari yoritib berilgan. O'zbekistonda ijtimoiy maktabgacha ta'limni tashkil etishning asosiy bosqichlari, asosiy xususiyatlari va maktabgacha ta'lim bo'yicha yuqori malakali rahbar, uslubchi, nazoratchi va tarbiyachilarni tayyorlash vazifalari, usul- uslublari, maktbgacha ta'lim bo'limining asosiy vazifalari metodik rahbarlik qilish tamoyillari o'quv dasturining asosiy mazmunini tashkil etadi. Maktabgacha ta'limda rahbarlik fani bo'lajak mudiralarning maktabgacha ta'lim tashkiloti faoliyatida boshqaruv jarayoni va uni tashkil etish bilan yaqindan tanishadi. Shuningdek, maktabgacha ta'lim sohasiga qo'yilgan talablar, tamoyillar, mazmuni va tarbiyachi faoliyatini shakllantirishning pedagogik asoslarini o'rgatadi. Maktabgacha ta'limda rahbarlik fanini o'zlashtirish jarayonida talabalar quyidagi bilim, ko'nikma, malaka va kompetentsiyalarga ega bo'ladilar: Maktabgacha ta'limda boshqaruvning mazmuni, o'ziga xos xususiyatlari, ta'limiy tarbiyaviy jihatlarini topishi, hamda kasbiga bo'lgan munosabatni tarbiyalash. Mudira va uslubchining kasbiy xususiyatlari va unga qo'yilgan talablar: Maktabgacha ta'limni tashkil etish va boshqarishning nazariy asoslari bilan qurollantiriladi. Davlat va nodavlat maktabgacha ta'lim tashkilotlarini tashkil etish qonuniyatlari bilan tanishtiradi.
Maktabgacha ta'limda ish hujjatlari bilan ish olib borish, bu faoliyat jarayonida mudira va uslubchining vazifalari o'rganiladi.
