Ma’naviy tarbiyaning tarixiy asoslari
QR kod:
Yuklab olishlar
Mazkur monografiyada xalqimizning ko’p asrlik ma’naviy-axloqiy tarbiya borasidagi qarashlari, miloddan avvalgi I ming yillikdan-milodiy XV asrgacha ta’limiy shart-sharoitlar, maorif rivoji, ma’naviy-axloqiy qarashlarning tarixiy takomillashuv jarayoni va ushbu g’oyalarning komil inson tarbiyalashdagi didaktik imkoniyatlari yoritilgan. Ajdodlarimizning 3 ming yil avvalgi nikoh munosabatlari va oila ma’naviyati, farzand tarbiyasi bo’yicha boy pedagogik merosi , “Avesto” manbasi asosida tahlil qilingan. VIII asr boshlarida Islom dini mafkurasining Markaziy Osiyo mintaqasida mustahkamlana boshlashi, Islom manbalarida ma’naviy-axloqiy yo’l yo’riqlar, musulmon diniy-axloqiy mezonlarida poklik, hallollik, insonparvarlik, vatanparvarlik, vijdon, iymon, rostgo’ylik, mehnatsevarlik kabi axloqning asosiy kategoriyalari va tamoyillariga ustuvor o’rin berilganligi tahlil qilingan. Islom dinining kirib kelishi asosida yuzaga kelgan ijobiy ma’naviy muhit, markazlashgan davlatning yuzaga kelishi, arab tilinining xalqaro muomila va ilm tili sifatida namoyon bo’lishining ilm- fan va xalq ma’naviyatining yuksalishidagi ahamiyati o’rganilgan.
