Maqom yo'llaridagi mashqlar va kuylar to'plami
QR kod:
Yuklab olishlar
O'zbekistonda hamda Tojikistonda rubob, Pomirni e'tiborga olmaganda, deyarli ikki turda: afg'on yoki Buxoro rubobi va uzoq o'tmishda Uyg'ur musiqa hayoti va ular orqali Respublikamizning Farg'ona vodiysi uchun ma'lum darajada xos bo'lmish qashqar rubobi muhim ahamiyat kasb etib kelgan. Endilikda esa ushbu cholgʻu asboblaridan qashqar rubobi O'zbekiston, Tojikiston va umuman, O'rta Osiyoning oʻzbek, tojik va uyg'urlar yashaydigan vohalarida yakkanavoz va joʻrnavoz soz sifatida keng miqyosda ishlatil-moqda. Afgon rubobi esa, nisbatan tor doirada bo'lsa-da, turli ijrochi jamoalar qatorida jalb etilib kelinmoqda.¹ Afg'on rubobiga qaraganda qashqar rubobi oʻziga xosligi, juda boy tembri bilan ajralib turadi. Shu kabi xususiyatlari bilan o'zbek xalq cholgʻu asboblari oilasida faxrli o'rin egallaydi. Qashqar rubobini kelib chiqish tarixini aniqlash mushkul, sababi u turli musiqiy risolalarda aniq berilmagan.
