Tasviriy san’at ta’limida innovatsion klaster yondashuvi
QR kod:
Yuklab olishlar
Ushbu monografiyada tasviriy san’at ta’limida innovatsion klaster yondashuvini joriy etishning nazariy-metodologik asoslari, pedagogik amaliyotda qo‘llanish imkoniyatlari va ijodiy muhitni shakllantirishning zamonaviy mexanizmlari tahlil etilgan. Asarda globallashuv va ta’lim integratsiyasi jarayonlarida klaster modelining ahamiyati ochib berilgan hamda STEAM ta’lim tendensiyalari bilan uyg‘unlikdagi ilg‘or xorijiy tajribalar o‘rganilgan. Muallif tasviriy san’at ta’limining uzluksiz tizimida — maktabgacha, umumiy o‘rta va oliy ta’lim bosqichlarida - klasterli hamkorlik modelini tatbiq etish orqali talabalarning ijodiy qobiliyatlari va kasbiy kompetensiyalarini rivojlantirish usullarini ko‘rsatib bergan. Shuningdek, pedagogik kadrlar tayyorlash sifatini oshirish, ularning ilmiy-ijodiy izlanishlarini rag‘batlantirish va mehnat bozori talablariga javob bera oladigan raqobatbardosh mutaxassislarni shakllantirishning innovatsion mexanizmlari bayon etilgan. Monografiya pedagogika, san’atshunoslik va ta’lim islohotlari sohasida tadqiqot olib borayotgan olimlar, pedagoglar, doktorant va magistrantlar hamda amaliy faoliyat bilan shug‘ullanuvchi mutaxassislar uchun nazariy-amaliy qo‘llanma sifatida xizmat qiladi
