Maʼnaviyat asoslari
QR kod:
Maʼnaviyat haqida ko‘p gapirish, yozish mumkin. Ammo, maʼnaviyat falsafa emas, dunyoni har qancha izohlab, qonun-qoidasini tushuntirib berganingiz bilan siz aqlli, bilimdon, mantiqiy fikrlovchi sifatida qadrlanishingiz mumkin, lekin bular sizni maʼnaviy barkamol ekanligingizdan dalolat bermaydi. Yana siz o‘ta isteʼdodli bo‘lishingiz, Vatan, mustaqillik haqida ajoyib qasidalar bitishingiz mumkin. Albatta, isteʼdod ham maʼnaviyat nishonasi, ammo taʼrifu tavsiflar bilan Vatan ravnaqi taʼminlanmaydi, mustaqillik mustahkamlanmaydi. Mustaqillik maʼnaviyatining bosh mezoni, asosiy poydevori, masʼuliyatdir. Shu bois hamisha mustaqilligimizni asrab-avaylashimiz, mustahkamlashga hissa qo‘shishimiz shart.
Qo‘lingizdagi ushbu o‘quv qo‘llanma iqtisodiy tizimga daxldor bo‘lgan Toshkent moliya institutining o‘ziga xos jihatlaridan kelib chiqqan holda bo‘lajak iqtisodchilarning bilim va ko‘nikmalarini shakllantirish va ilmiy dunyoqarashlarini boyitish, ijtimoiy-siyosiy, maʼnaviy jihatdan yetuk kadrlar tayyorlashda muhim manba bo‘lib xizmat qiladi.
