Matematika O'qitish Metodikasi va Geometriya Kafedrasi

"Matematika o’qitish metodikasi va geometriya" kafedrasi 2021-yilda "Matematika va informatika" fakulteti tarkibida tashkil topgan. Universitet rektorining 2021-yil 30-avgustdagi buyrug‘iga asosan kafedra "Matematika o’qitish metodikasi va geometriya" nomi bilan ataladi.

Maqsad va Vazifalari

Kafedraning maqsadi jahon ta’lim standartlari hamda bugungi rivojlangan raqamli ta’lim talablariga javob beradigan yetuk, malakali va raqobatbardosh kadrlar tayyorlash. Kafedraning vazifalari: Fakultet talabalarini Respublika va jahon olimpiadalarida yuqori o’rinlarni egallashi uchun shart-sharoit va imkoniyatlar yaratish, universitetning dunyoning Top 1000 talik universitetlar ro‘yxatidan joy olishida ilmiy-innovatsion va o‘quv jarayonlarida o‘z hissasini qo‘shish.

Bakalavriat Yo'nalishlari

Kafedrada quyidagi fanlar bo‘yicha bakalavr bosqichida dars mashg‘ulotlari olib boriladi:

• 60540100 - Matematika o'quv rejasi
• Matematika va informatika o'qitish metodikasi
• Differensial tenglamalar
• Matematik fizika tenglamalari
• Matematika o‘qitish metodikasi
• Ehtimollar nazariyasi
• Analitik geometriya

Ilmiy-tadqiqot Sohalari

Kafedraning ilmiy-tadqiqot sohalari:

• Birinchi tartibli operator ta’sir ettirilgan aralash tipdagi tenglamalar uchun chegaraviy masalalarni o‘rganish.
• To‘la bo‘lmagan tenglamalar uchun Fisher informatsiyasi va uning tadbiqlarini o‘rganish va ular asosida yangi o‘qitish metodlarini yaratish.
• Chegirmalar nazariyasini elektron ilovalar yordamida o‘qitishni olib borish.
• Irrigatsiya kanallaridagi suv resurslarini optimal boshqarish masalalarini o‘rganish va ularga yechimlar taklif etish.
• Kasr tartibli tenglamalar uchun nolokal chegaraviy shart qatnashgan masalalarning yechilishini ko'rsatish.
• Raqobatlashish ta’siri ikkidan katta bo‘lgan modellar uchun Gibbs o‘lchovlarini tadqiq etish.

Ta’lim Sifati va Baholash Tizimi

Matematika o‘qitish metodikasi va geometriya kafedrasi tomonidan 2024-yil 26-avgustdagi 1-sonli kafedra kengashi tomonidan o‘quv jarayonlarini nazorat qilish, ta’lim sifatini oshirish hamda o’qituvchilar monitoringini olib borish bo‘yicha kafedraning ilmiy darajali professor-o‘qituvchilaridan tashkil topgan sifat komissiyasi shakllantirilgan. Ushbu sifat komissiyasi muntazam ravishda o‘quv jarayonlarini nazorat qilib, kafedra yig‘ilishlarida hisobotlar berib, professor-o‘qituvchilarga taklif hamda tavsiyalar ishlab chiqmoqda.

Ilmiy Faoliyatga Yo‘naltirish

Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan. Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.

Kafedra Statistikasi va Natijalari

• Bitiruvchilar va ularning ishga joylashish darajasi: Joriy yilda 50 nafar talaba bitirgan bo‘lib, bitiruvchilarining 98% ish bilan ta’minlangan.
• Talabalar soni va o‘quv natijalari: Hozirda kafedrada 310 nafar talaba ta’lim olmoqda.
• Ilmiy maqolalar va nashrlar: Bugungi kungacha 10 ta darslik, 7 ta monografiya, 15 ta o‘quv qo‘llanma va 200 dan ortiq ilmiy maqola hamda 250 dan ziyod xalqaro va respublika tezislari nashr etilgan.