Menga baxtni ko'rsat
QR kod:
Yuklab olishlar
Qachondir yoningda boʻlishimni istasangu, lekin buning iloji boʻlmasa, koʻzlaringni mahkam yum va qoʻllaringni yuragingning ustiga qoʻy. Men sening koʻz qovoqlaring ortidagi qorongʻilikda, yuragingning har bir urishida boʻlaman. Qachonki kemaga chiqadigan boʻlsang, sochlaringning orasidan oʻtgan shamol emas, mening barmoqlarim boʻladi. Oʻqiyotgan kitobingning har bir satrida yoki tinglayotgan qoʻshigʻingning musiqasida nafas olishni davom ettiraman. Yomgʻirli kunda elkangdan oʻpadigan yomgʻir tomchisi qiyofasida ham yoningda boʻlishim mumkin. Balki, hidlash uchun qoʻlingni uzatgan gul bargidan uchib ketayotgan kapalak boʻlarman. Meni qanchalik koʻp his qilishni xohlasang, men ham shunchalik koʻp yoningda boʻlishni davom ettiraman.Yuragingning pardasini hech qachon berkitib qoʻyma. Yorugʻlikning ichkariga kirishiga ruxsat ber. Tabassum qilmoq senga yarashadi, aslo qovogʻingni uyma ... Baxtiyorlik - ulkan va behisob qiyinchiliklarga bardosh bergan insonlarning haqqidir. Maqtanib aytishga arziydigan kunlarni va orzularingdagidek ajoyib hayotni yasha. Koʻzlaringni yum va ikkalamiz suhbatlashadigan lahzalar uchun ajoyib xotiralarni yigʻib qoʻy. Axir, qaygʻuni, qaerda boʻlsa ham, tanib olaman, menga baxtni koʻrsat ....
