Mirzo Olim Devona va uning "Ravzayi asror" dostoni
QR kod:
Yuklab olishlar
Mirzo Olim Devona XIX asrning ikkinchi yarmidaZarafshon vodiysida yetishgan iste’dodli shoirlardan biridir. Ammo o‘tgan asr davomida uning nomi ham, asarlari ham turli sabablar tufayli noaniq va mavhum holda ilmiy jamoatchilik e’tiboridan chetda qolib, keng kitobxonlar ommasiga noma’lum bo‘lib keldi. “O‘zbekiston RFA Sharq qo‘lyozmalari to‘plami”ning VII jildida, “O‘zbek Qomusi”ning VIII jildida, Botirxon Valixo‘jayevning “O‘zbek epik poeziyasi tarixidan” hamda V.Abdullayev va B.Valixo‘jayevlarning “Miriy va uning zamondoshlari” kitoblarida Olim Devonaning mang‘it amirlaridan bo‘lmish Amir Muzaffar hukmronlik qilgan davrda (1860–1885) amirlikda miroxur lavozimida xizmat qilganligi va “Ravzayi asror” qissasining muallifi ekanligi to‘g‘risida umumiy ma’lumotlar keltirilgan.
