Nutq birliklarining lingvistik va akustik xususiyatlari tahlili
QR kod:
Yuklab olishlar
Ushbu maqolada audio va matn birliklarini tilshunoslik nuqtai nazaridan o‘rganishning
asosiy usullari yoritiladi. Akustik tahlil nutq signalining fizik xususiyatlarini tahlil qilishga qaratilgan bo‘lsa,fonologik tahlil fonetik va fonematik birliklarni aniqlashga yordam beradi. Semantik tahlil esa audio va matn birliklari orasidagi ma’no bog‘liqliklarini aniqlashga qaratilgan bo‘lib, nutqning semantik jihatlarini chuqur tushunish imkonini beradi. Sintaktik tahlil esa gap tuzilmalari va grammatik qonuniyatlarni o‘rganishga xizmat qiladi. Shuningdek, maqolada lingvistik muqobillik tushunchasi muhokama qilinib, yozma va og‘zaki nutq o‘rtasidagi bog‘liqlik intonatsiya, urg‘u, pauza va punktuatsiya orqali qanday namoyon bo‘lishi tahlil qilinadi. D.Crystal yondashuvi asosida lingvistik muqobillikning semantik va pragmatik jihatlari yoritilib, matn va nutq o‘rtasidagi uzviy bog‘liqlik tushuntiriladi. Audio va matn birliklarining asosiy farqlari ko‘rib chiqilib, ularning vaqtga bog‘liqligi, ifoda vositalari va uzatilish xususiyatlari tahlil qilinadi. Ushbu tadqiqot tilshunoslik, nutq tahlili va kommunikativ jarayonlarni o‘rganishda muhim metodologik asos bo‘lib xizmat qiladi.
