Otalar soʻzi aqilning koʻzi
QR kod:
Yuklab olishlar
Maqollar insonni haqiqiy inson boʻlishga chaqiradi. Maqollar mehnatni sevish, ilm-li, hunarli boʻlish, ishning koʻzini bilib, har ishni oʻz vaqtidan kechiktirmay bajarishning foydasini ta'kidlaydi. Yaxshi bilan yomonni, doʻst bilan dushmanni ajrata bilishga oʻrgatadi. Doʻstlik, birlik, mexr va muhabbatni, Vatanni sevish, odamlarga mexribon va gʻamxoʻr boʻlish fazilatini ulugʻlaydi. Haq va adolatni yuksak darajaga koʻtaradi. Mard va botir boʻlishga undaydi. Vatanni yovlardan qoʻriqlash, jangda jonni ham ayamay, mardona kurashning mukaddas va sharafli vazifa ekanligini tarannum etadi
Oʻquvchilarga taqdim etganimiz bu kichkinagina toʻplam xalqimiz yaratgan hikmatli soʻzlar ummonidan bir tomchi, xolos. Biz bu maqollarni qoʻlimizda bor bir necha ming maqoldan terib oldik va ularni mazmuniga qarab bir tartibga tizdik.
