O'zbek xalq musiqa ijodi
QR kod:
Yuklab olishlar
Ushbu o'quv qo'llanma mazmun-mundarijasi o'zbek musiqasining xalq ijodiyoti va og'zaki an'anadagi professional musiqa namunalarini qamrab oladi. Bunda xalq tomonidan yaratilgan kuy va aytimlar, ularning yaratilish tarixi, nisbatan murakkab janrlar, og'zaki an'anadagi professional musiqa tarixi va ko'p asrlar davomida rivojlanib kelayotgan o'zbek musiqa madaniyatiga muxtasar murojaat qilishga harakat qilindi.
O'quvchilarda milliy kuylarni idroklash, xalq musiqa janrlarining tuzilishi va ijro etilishi bilan birga nazariy va amaliy ko'nikma hosil etish maqsadida mashg'ulotlarning bir necha turlari: jumladan, faol va noan'anaviy shakllari tavsiya etiladi.
O'quv jarayonida ma'ruza bilan birgalikda amaliy mashg'ulotlardan foydalanish lozim bo'ladi. Ushbu qo'llanmaga kiritilgan barcha ma'lumotlarni pedagogika kollejlarining ta'lim mazmuniga kiritilgan «O'zbek xalq musiqa ijodiyoti» fanida qo'llash tavsiya etiladi.
O'quv qo'llanmaning ilova qismida yillar davomida yaratilgan kuy va qo'shiqlarning notalaridan amaliy foydalanish uchun namunalar keltirilgan.
