O’zbekiston yoshlar ittfoqi boshlang’ich tashkiloti

Chirchiq davlat pedagogika universiteti qoshidagi O‘zbekiston Yoshlar Ittifoqi Boshlang‘ich tashkiloti talaba-yoshlarning huquq va manfaatlarini himoya qilish, ularning ijtimoiy, intellektual va ma’naviy rivojlanishini qo‘llab-quvvatlash maqsadida faoliyat olib boradi. Bo‘limning asosiy yo‘nalishlari yoshlarning siyosiy va huquqiy ongini oshirish, ular orasida vatanparvarlik va fuqarolik tuyg‘ularini shakllantirish, jamiyatda faol ishtirok etuvchi, yetuk shaxs sifatida kamol topishlariga ko‘maklashishdan iborat.

Bo‘lim universitetdagi barcha fakultet va kurs talabalari bilan doimiy aloqa o‘rnatgan bo‘lib, ularning fikrlari, tashabbuslari, ijtimoiy loyihalari va muammolarini o‘rganadi va yechimlar taklif etadi. Tashkilot yoshlarni turli milliy va xalqaro forumlar, konferensiyalar, tanlovlar, ijtimoiy loyihalar va targ‘ibot-tashviqot ishlari orqali faollikka chorlaydi. Talabalar orasida sog‘lom turmush tarzini targ‘ib qilish, jinoyatchilik va huquqbuzarlikning oldini olish, ekologik va axloqiy madaniyatni rivojlantirish bo‘yicha doimiy tashabbuslar amalga oshiriladi.

Yoshlar ittifoqi boshlang‘ich tashkiloti, ayniqsa, uyushmagan yoshlar bilan ishlashga alohida e’tibor qaratadi – ularni jamoaviy hayotga jalb etish, kasbiy yo‘nalish bo‘yicha yo‘naltirish, o‘z qobiliyat va iste’dodlarini namoyon qilishlari uchun imkoniyatlar yaratish orqali ular orasida ijtimoiy faollikni oshirishga xizmat qiladi.

Shuningdek, bo‘lim universitetda o‘qitilayotgan iqtidorli, tashabbuskor va yetakchilik qobiliyatiga ega talabalarni aniqlash, ularni rag‘batlantirish, ilmiy, ijodiy va tadbirkorlik sohalarida faol bo‘lishlariga zamin yaratadi. Talabalarning tashabbuslarini moliyaviy, tashkiliy va axborot jihatdan qo‘llab-quvvatlash orqali ularni mustaqil, ilg‘or fikrlaydigan, o‘z orzulariga intiluvchi yoshlar sifatida shakllantirish bo‘lim faoliyatining ustuvor yo‘nalishlaridandir.