Prezident hamda nomdor davlat stipendiyalarini taqdirlash marosimi va yangilanayotgan rekord haqida

     Bugun Chirchiq davlat pedagogika universiteti rektori, professor G‘ofurjon Muhamedov bakalavrlar uchun ta’sis etilgan davlat stipendiyasi 2025-2026 o‘quv yilgi tanlov g‘oliblari, ularning ilmiy rahbarlari va ota-onalarini tantanali qabul marosimida ishtirok etdi.

     Chirchiq davlat pedagogika universitetida 20 ming talaba-yoshlar tahsil oladi. 30 yoshga to‘lmagan 200 nafardan ortiq professor-o‘qituvchilar va tayanch doktorantlar samarali faoliyat ko‘rsatib kelmoqda.

 - Yoshlarimizning yutuqlari ijobiy natijalarimizning eng muhimi,  – dedi universitet rahbari G‘ofurjon Muhamedov.  –Universitetimizning strategik rivojlanish yo‘lida belgilagan ustuvor yo‘nalish – “Kelajak o‘qituvchisi"ning faoliyatini xalqaro darajada olib chiqish.  Kuni kecha,  Germaniyadan tashrif buyurgan OTM vakillari ishtirokidagi uchrashuvda ham talabalarimizning malakasini xalqaro standartlar darajasiga etkazish masalalarini muhokama qildik.  Talabalarimizni rivojlangan g‘arb va sharq davlatlarida tajriba orttirishini istayman.  Yuksak maqsadlarga erishishimizning eng muhim sharti – o‘z mustaqil fikriga ega,  mustahkam irodali,  chuqur bilimli,  universitet pozitsiyasini himoya qiladigan yoshlarga bog‘liq ekanligini barchamiz anglab turibmiz.  Uchinchi renessans asoschilari - Siz yoshlar tufayli universitetimizda har kuni bir yangilik va o‘nlab yutuqlarni guvohi bo‘lib turibmiz.  Sizlarning timsolizda universitetimiz talabalarining ota-onalariga minnatdorchilik bildiraman.  

      Marosimda 2025-2026 o‘quv yilida Prezident hamda nomli davlat stipendiyalari g‘oliblari bo‘lgan iqtidorli talabaga guvohnoma,  esdalik sovg‘alari va ChDPU rektorining maxsus ramziy magistrturaga yo‘llanmalari topshirildi.  

P. S. : Universitet yoshlari har yili o‘z rekordlarini yangilab bormoqda. Bu yil 15 nafar!

Universitet Axborot xizmati