Prorektorlar kengashi: Ilg‘or tajribalar almashinuvi
CHDPUda o‘tkazilayotgan prorektorlar Kengashi yilishi ishtirokchilari universitetning ma’naviy-ma’rifiy faoliyati bilan tanishib, talabalar, tyutorlar va to‘garak rahbarlari bilan suhbatlashdilar.
Prezidentimiz tashabbusi va topshiriqlari asosida samarali tashkil etilgan ma’rifiy loyihalar, klublar, akademiyalar, targ‘ibot markazlari faoliyatini o‘rgandilar.
Talabalar shaharchasi qoshida tashkil etilgan sartaroshlik, robototexnika, oshpazlik va qandolatchilik, tikuvchilik va kiyim dizayn, bog‘dorchilik va gulchilik to‘garaklar bilan tanishdilar.
Universitet rektori G‘ofurjon Muxamedov Kengash yig‘ilishida ishtirok etdi va barcha ishtirokchilarni samimiy qutladi. Kengash yig‘ilishi Chirchiq davlat pedagogika universitetida o‘tkazilayotganida o‘ziga xos ma’no mujassam ekanini va universitetda ma’naviy-ma’rifiy jarayonlarni tashkil etishda yaxlit tizim tashkil etilganligini ta’kidladi.
Muloqot davomida yoshlar dunyoqarashini shakllantirish, ma’naviy-axloqiy tarbiya, g‘oyalar targ‘iboti, estetik va badiiy havaskorlik, madaniy dam olishni tashkil etish, yosh iste’dodlarni har tomonlama qo‘llab-quvvatlash masalalari haqida fikr yuritdi.
Universitet Axborot xizmati
Galereya
