Rektor yoshlar bilan muloqot qildi
Chirchiq davlat pedagogika universiteti rektori, O‘zbekiston Respublikasi fan arbobi G‘ofurjon Muxamedov 2-dekabr kuni yoshlar bilan muloqot qildi. Ochiq suhbat tarzida o‘tgan uchrashuvda yoshlar uchun imkoniyatlarni yanada kengaytirish chora-tadbirlari muhokama etildi.
Muloqotda universitet rahbari ta’limga oid innovatsion ishlanmalar, raqamli iqtisodiyot, sun’iy intellekt yoshlarning istiqbolli kelajagini hal qiluvchi ahamiyatga egaligini alohida ta’kidladi.
“5 million sun’iy intellekt yetakchilari” loyihasiga start berilganligini, “Sun’iy intellekt bo‘yicha Prezident tanlovi” tashkil etilishini bildirdi.
Mamlakat bo‘ylab “Yosh kitobxon”, “Yoshlar biznesi”, “Kelajakka qadam”, “Raqamli avlod qizlari”, “Kelajak liderlari” kabi tanlov, dastur va loyihalar amaldaligini qayd etdi. Universitetda “ilm – tarbiya – innovatsiya” zanjirini yoshlar orqali yaratilayotganligini aytdi.
"Mamlakatimiz yoshlari uchun tashkil etilayotgan loyihalarda faol bo‘lishingizni so‘rab qolaman. Yoshlarimizning ilmiy va ijtimoiy faolligi mamlakat rivoji uchun muhim qadam hisoblanadi”, — dedi Rektor.
Talabalar o‘z yutuqlari, muammolari va kelajak rejalari haqida erkin fikr bildirdi. Talabalarning taklif va savollari batafsil muhokama qilindi. Universitetimiz rahbari yoshlarning takliflarini ma’qullab, ularni har doim qo‘llab-quvvatlashga tayyor ekanini ta’kidladi.
Uchrashuv doirasida “Qalqon” jamoatchilik guruhi a’zolariga maxsus guvohnomalar topshirildi.
Universitet Axborot xizmati
Galereya
